എന്താണ് നിയമം? / What is the Law or Torah?
എന്താണ് നിയമം? / What is the Law or Torah?
Embedded Files
ചോദ്യം: എന്താണ് നിയമം (ടോറാഹ് / Torah in Hebrew) ?
ഉത്തരം: യഹോവ ദൈവം നമ്മുക്ക് തന്ന നിര്‍ദേശങ്ങളും കല്പനകളും പ്രമാണങ്ങളും ആണ് പൊതുവെ നിയമം എന്ന് വിളിക്കുന്നത്. യഹോവ ദൈവം കല്ലിൽ എഴുതിത്തന്ന പത്തു കല്പനകൾ നിയമത്തിന്റെ ഒരു ഭാഗം മാത്രം ആണ്. പത്ത് കല്പനകൾക്ക് പുറമെ മറ്റ് കല്പനകളും ഉണ്ട്.
നമ്മുടെ ബൈബിളിലെ ആദ്യത്തെ അഞ്ചു പുസ്തകങ്ങളിൽ യഹോവ ദൈവം നമ്മൾക്കു തന്ന നിയമങ്ങൾ ഉണ്ട്. ഹെബ്രായ ഭാഷയിൽ Torah, תוֹרָה എന്ന് പറയുന്നു:
ഉല്പത്തി / Genesis
പുറപ്പാട് / Exodus
ലേവ്യർ / Leviticus
സംഖ്യ / Numbers
നിയമവാർത്തനം / Deuteronomy
യേശു നിയമത്തിന്റെ ഒരു പ്രധാന ഭാഗം നിറവേറ്റി. യേശു മിശിഹാ വന്നു ചെയ്ത പൂർണ ത്യാഗം മൂലം നമ്മൾക്ക് പാപ പരിഹാരം ലഭിച്ചു.
മത്തായി 26 : 28
യേശു: "ഇതു പാപമോചനത്തിനായി അനേകര്‍ക്കുവേണ്ടി ചിന്തപ്പെടുന്നതും ഉടമ്പടിയുടേതുമായ എന്‍റെ രക്തമാണ്."
ഹെബ്രായര്‍ 10 : 10-14
ആ ഹിതമനുസരിച്ച് യേശുക്രിസ്തുവിന്‍റെ ശരീരം എന്നേക്കുമായി ഒരിക്കല്‍ സമര്‍പ്പിക്കപ്പെട്ടതുവഴി നാം വിശുദ്ധീകരിക്കപ്പെട്ടിരിക്കുന്നു. എന്നാല്‍, അവനാകട്ടെ പാപങ്ങള്‍ക്കുവേണ്ടി എന്നേക്കുമായുള്ള ഏക ബലി അര്‍പ്പിച്ചു കഴിഞ്ഞപ്പോള്‍, ദൈവത്തിന്റെ വലത്തുഭാഗത്ത് ഉപവിഷ്ടനായി. ശത്രുക്കളെ തന്റെ പാദപീഠമാക്കുവോളം അവന് കാത്തിരിക്കുന്നു. വിശുദ്ധീകരിക്കപ്പെട്ടവരെ അവന് ഏകബലിസമര്‍പ്പണം വഴി എന്നേക്കുമായി പരിപൂര്‍ണരാക്കിയിരിക്കുന്നു.
അപ്പോൾ, യഹോവയുടെ നിയമം പാപം എന്താണെന്നു നമ്മളെ അറിയിക്കുന്നു.
അറിഞ്ഞോണ്ടോ അറിയാതെയോ നിയമം ലംഖിക്കുമ്പോൾ നമ്മൾ പാപം ചെയ്യുന്നു.
പക്ഷെ ഈ പാപം ഭൂമിയിലെ ഏതൊരു ബലിക്കും പൂർണമായും കഴുകി കളയാൻ പറ്റിയില്ലായിരുന്നു.
അതുകൊണ്ടു യഹോവ തന്റെ സ്വന്തം പുത്രനെ ബലി കൊടുത്തു, പെസഹാ കുഞ്ഞാടായി.
ഇതുമൂലം നമുക്ക് ദൈവ സന്നിധിയിൽ കെയറാൻ പറ്റുന്നു.
യെഹോവ പിതാവ് യേശുവിനെ ബലി കൊടുത്ത നമ്മളെ നിത്യ മരണത്തിൽ നിന്ന് രക്ഷിച്ചു എന്നും പറഞ്ഞു നമ്മൾക്കു യഹോവയുടെ കല്പനകൾ (നിയമം) ലംഖിക്കുന്നതിലൂടെ പാപത്തിൽ തുടരാൻ പറ്റുമോ? ഒട്ടും ഇല്ല!
നിയമത്തിൽ നിന്ന് കുറച്ചു ഉദാഹരണങ്ങൾ:
യഹോവ ദൈവത്തെ പൂർണ ഹൃദയത്തോടെ സ്നേഹിക്കുക - നിയമാവര്‍ത്തനം 6 : 5
നിന്നെ പോലെ നിന്റെ സഹോദരനെയും സ്നേഹിക്കുക - ലേവ്യര്‍ 19 : 18
"പ്രായംചെന്നു നരച്ചവരുടെ മുന്‍പില്‍ ആദരപൂര്‍വം എഴുന്നേല്‍ക്കുകയും അവരെ ബഹുമാനിക്കുകയും വേണം. നിന്റെ ദൈവത്തെ ഭയപ്പെടുക. ഞാനാണു യഹോവ." - ലേവ്യര്‍ 19 : 32
പിതാവിനെയും മാതാവിനെയും ബഹുമാനിക്കുക
ഏഴാം ദിവസ (Saturday) സാബത്തു (നാലാം കല്പന) ആചരിക്കുക - More Details
വിഗ്രഹങ്ങളിൽ നിന്ന് അകന്നു ഇരിക്കുവിൻ (രണ്ടാം കല്പന) - More Details
വിഗ്രഹങ്ങളുടെ മുമ്പിൽ കുമ്പിടരുത് (രണ്ടാം കല്പന)
ചാത്തൻ സേവാ, മാത്രവാദം ഒന്നും പാടില്ല
മരിച്ചവരോട് സംസാരിക്കാൻ ശ്രമിക്കരുത് ("വിശുദ്ധരോടു" പ്രാർത്ഥന) തെറ്റാണു - ലേവ്യര്‍ 19 : 31
യെഹോവയുടെ പെരുന്നാളുകൾ ആഘോഷിക്കുക - ലേവ്യർ 23
ചെമ്മീൻ, പന്നി മാംസം, കക്കയിറച്ചി മുതലായവ, കഴിക്കരുത് - ലേവ്യർ 11
In English - 613 Commandments
Note about God's Real Name:
ബൈബിളിൽ എവിടെയെങ്കിലും "കർത്താവ് / LORD" എന്ന് എഴുതിയിട്ടുണ്ടെങ്കിൽ അത് ഞാൻ ഹെബ്രായ ബൈബിളിൽ നിന്ന് നമ്മുടെ ദൈവത്തിന്റെ യഥാർത്ഥ പേരായ "യഹോവ / Yehovah" ആക്കി മാറ്റിയിട്ടുണ്ട്.
കർത്താവായ ദൈവം = യഹോവ ദൈവം = Yhovah Elohim
(കൂടുതലറിയാൻ താഴെ ഉള്ള ചോദ്യങ്ങളിൽ ടാപ്പ് 👆🏼ചെയ്യുക)
എന്തുകൊണ്ട് ക്രിസ്ത്യാനികൾ യെഹോവയുടെ നിയമം പാലിക്കണം?
നമ്മൾ യെഹോവയുടെ നിയമം പഠിക്കുകയും പാലിക്കുകയും ചെയ്യുമ്പോൾ:
ദൈവത്തിന്റെ കണ്ണിൽ ശരിയും തെറ്റും എന്താണെന്നു മനസിലാകും
പാപം ചെയ്യാതെ ഇരിക്കും
ദൈവത്തിനു നമ്മളെ അനുഗ്രഹിക്കാൻ പറ്റും
ദൈവത്തെ സ്നേഹിക്കുന്നു എന്ന് ദൈവത്തിനു മനസിലാകും
പുറപ്പാട് 20 : 5-6 (പത്തു കല്പനകളിൽ ദൈവം പറഞ്ഞത്)
യഹോവ ദൈവം: "എന്നാല്‍, എന്നെ സ്നേഹിക്കുകയും എന്‍റെ കല്പനകള് പാലിക്കുകയും** ചെയ്യുന്നവരോട് ആയിരമായിരം തലമുറകള്‍ വരെ ഞാന്‍ കരുണ കാണിക്കും."
നിയമാവര്‍ത്തനം 11 : 27
"ഇന്നു ഞാന്‍ നിങ്ങള്‍ക്കു നല്‍കുന്ന നിങ്ങളുടെ ദൈവമായ യെഹോവയുടെ കല്പനകള് അനുസരിച്ചാല്‍ അനുഗ്രഹം;"
**ദൈവത്തെ സ്നേഹിക്കുന്നത് = ദൈവ കല്പനകൾ പാലിക്കുന്നത്
1 യോഹന്നാന്‍ 2 : 3-4
നാം അവന്‍റെ കല്പനകള് പാലിച്ചാല്‍ അതില്‍നിന്നു നാം അവനെ അറിയുന്നുവെന്നു തീര്‍ച്ചയാക്കാം.
ഞാന്‍ അവനെ അറിയുന്നു എന്നു പറയുകയും അവന്‍റെ കല്പനകള് പാലിക്കാതിരിക്കുകയും ചെയ്യുന്നവന് കള്ളം പറയുന്നു; അവനില്‍ സത്യമില്ല.
ഹെബ്രായര്‍ 10 : 16-17
"ആ ദിവസങ്ങള്‍ക്കുശേഷം അവരുമായി ഞാന്‍ ഏര്‍പ്പെടുന്ന ഉടമ്പടി ഇതാണ് എന്നു യെഹോവ അരുളിച്ചെയ്യുന്നു. എന്‍റെ നിയമങ്ങള്‍ (Torah) അവരുടെ ഹൃദയങ്ങള്‍ക്കു ഞാന്‍ നല്‍കും. അവരുടെ മനസ്സുകളില്‍ അവ ഞാന്‍ ആലേഖനം ചെയ്യും." അവിടുന്നു തുടരുന്നു: "അവരുടെ ദുഷ്പ്രവൃത്തികളും പാപങ്ങളും ഞാനിനി ഒരു കാരണവശാലും ഓര്‍മിക്കുകയില്ല."
യേശു മിശിഹാ നിയമത്തെ കുറിച്ച് എന്താണ് പറഞ്ഞത്?
One:
മത്തായി 5 : 17-19
17 "നിയമത്തെയോ (Torah) പ്രവാചകന്‍മാരെയോ അസാധുവാക്കാനാണു ഞാന്‍ വന്നതെന്നു നിങ്ങള്‍ വിചാരിക്കരുത്. അസാധുവാക്കാനല്ല സ്ഥിരീകരിക്കാൻ / സ്ഥാപിക്കാൻ* ആണ് ഞാന്‍ വന്നത്.
18 ആകാശവും ഭൂമിയും കടന്നുപോകുന്നതുവരെ, സമസ്തവും നിറവേറുവോളം നിയമത്തില്‍നിന്നു വള്ളിയോ പുള്ളിയോ മാറുകയില്ലെന്നു സത്യമായി ഞാന്‍ നിങ്ങളോടു പറയുന്നു.
19 ഈ പ്രമാണങ്ങളില്‍ ഏറ്റവും നിസ്സാരമായ ഒന്ന് ലംഘിക്കുകയോ ലംഘിക്കാന്‍മറ്റുള്ളവരെ പഠിപ്പിക്കുകയോ ചെയ്യുന്നവന് സ്വര്‍ഗരാജ്യത്തില്‍ ചെറിയവനെന്നു വിളിക്കപ്പെടും. എന്നാല്‍, അത് അനുസരിക്കുകയും പഠിപ്പിക്കുകയും ചെയ്യുന്നവന് സ്വര്‍ഗരാജ്യത്തില്‍ വലിയവനെന്നു വിളിക്കപ്പെടും."
*യഥാർത്ഥ Hebrew മത്തായി: https://projecttruthministries.org/studies/cochin-new-testament/cochin-hebrew-matthew/
Two:
മത്തായി 7 : 21-23
21 കര്‍ത്താവേ, കര്‍ത്താവേ എന്ന്, എന്നോടു വിളിച്ചപേക്ഷിക്കുന്നവനല്ല, എന്‍റെ സ്വര്‍ഗസ്ഥനായ പിതാവിന്‍റെ ഇഷ്ടം നിറവേറ്റുന്നവനാണ്, സ്വര്‍ഗരാജ്യത്തില്‍ പ്രവേശിക്കുക.
22 അന്ന് പലരും എന്നോടു ചോദിക്കും: കര്‍ത്താവേ, കര്‍ത്താവേ, ഞങ്ങള്‍ നിന്റെ നാമത്തില്‍ പ്രവചിക്കുകയും നിന്റെ നാമത്തില്‍ പിശാചുക്കളെ പുറത്താക്കുകയും നിന്റെ നാമത്തില്‍ നിരവധി അദ്ഭുതങ്ങള്‍ പ്രവര്‍ത്തിക്കുകയും ചെയ്തില്ലേ?
23 അപ്പോള്‍ ഞാന്‍ അവരോടു പറയും: നിങ്ങളെ ഞാന്‍ ഒരിക്കലും അറിഞ്ഞിട്ടില്ല; അനീതി** പ്രവര്‍ത്തിക്കുന്നവരേ, നിങ്ങള്‍ എന്നില്‍നിന്ന് അകന്നുപോകുവിന്‍.
**ഗ്രീക്കിലെ വാക്കു - Strong’s G458: “anomia” - നിയമലംഘനം / violation of law, lawlessness
Three:
മത്തായി 19 : 16-21
ഒരാള്‍ അവനെ സമീപിച്ചു ചോദിച്ചു: ഗുരോ, നിത്യജീവന്‍ പ്രാപിക്കാന്‍ ഞാന്‍ എന്തു നന്‍മയാണു പ്രവര്‍ത്തിക്കേണ്ടത്?
യേശു പറഞ്ഞു: "നന്‍മയെപ്പറ്റി നീ എന്നോടു ചോദിക്കുന്നതെന്തിന്? നല്ലവന്‍ ഒരുവന്‍ മാത്രം. ജീവനില്‍ പ്രവേശിക്കാന്‍ അഭിലഷിക്കുന്നെങ്കില്‍ പ്രമാണങ്ങള്‍ അനുസരിക്കുക."
അവന് ചോദിച്ചു: ഏതെല്ലാം? യേശു പ്രതിവചിച്ചു: "കൊല്ലരുത്, വ്യഭിചാരം ചെയ്യരുത്, മോഷ്ടിക്കരുത്, കള്ളസാക്ഷ്യം നല്‍കരുത്. പിതാവിനെയും മാതാവിനെയും ബഹുമാനിക്കുക, നിന്നെപ്പോലെ നിന്റെ അയല്‍ക്കാരനെ സ്നേഹിക്കുക."
ആ യുവാവ് ചോദിച്ചു: ഇവയെല്ലാം ഞാന്‍ അനുസരിച്ചിട്ടുണ്ട്; ഇനിയും എന്താണ് എനിക്കു കുറവ്?
യേശു പറഞ്ഞു: "നീ പൂര്‍ണനാകാന്‍ ആഗ്രഹിക്കുന്നെങ്കില്‍, പോയി നിനക്കുള്ളതെല്ലാം വിറ്റ് ദരിദ്രര്‍ക്കുകൊടുക്കുക. അപ്പോള്‍ സ്വര്‍ഗത്തില്‍ നിനക്കു നിക്ഷേപമുണ്ടാകും. പിന്നെ വന്ന് എന്നെ അനുഗമിക്കുക."
Four:
ധനവാനും ലാസറുടെയും ഉപമ - ലൂക്ക 16:19-31
ലൂക്കാ 16 : 31
അബ്രാഹം അവനോടു പറഞ്ഞു: "മോശയും പ്രവാചകന്‍മാരും പറയുന്നത് അവര്‍ കേള്‍ക്കുന്നില്ലെങ്കില്‍ മരിച്ചവരില്‍നിന്ന് ഒരുവന്‍ ഉയിര്‍ത്താലും അവര്‍ക്കു ബോധ്യമാവുകയില്ല".
Five:
മത്തായി 24 : 12
യേശു: "നിയമലംഘനം (അധര്‍മം**) വര്‍ധിക്കുന്നതിനാല്‍ പലരുടെയും സ്നേഹം തണുത്തുപോകും."
**ഗ്രീക്കിലെ വാക്കു - Strong’s G458: “anomia” - നിയമലംഘനം / violation of law, lawlessness
Six:
യോഹന്നാന്‍ 15 : 10
യേശു: "ഞാന്‍ എന്‍റെ പിതാവിന്‍റെ കല്പനകള് പാലിച്ച് അവിടുത്തെ സ്നേഹത്തില്‍ നിലനില്‍ക്കുന്നതുപോലെ, നിങ്ങള്‍ എന്‍റെ കല്പനകള് പാലിച്ചാല്‍ എന്‍റെ സ്നേഹത്തില്‍ നിലനില്‍ക്കും."
Seven:
മത്തായി 28 : 18-20
യേശു അവരെ സമീപിച്ച്, അരുളിച്ചെയ്തു: "സ്വര്‍ഗത്തിലും ഭൂമിയിലുമുള്ള എല്ലാ അധികാരവും എനിക്കു നല്‍കപ്പെട്ടിരിക്കുന്നു.
ആകയാല്‍, നിങ്ങള്‍പോയി എല്ലാ ജനതകളെയും ശിഷ്യപ്പെടുത്തുവിന്‍.
പിതാവിന്‍റെയും പുത്രന്‍റെയും പരിശുദ്ധാത്മാവിന്‍റെയും നാമത്തില്‍ അവര്‍ക്കു ജ്ഞാനസ്നാനം നല്‍കുവിന്‍. ഞാന്‍ നിങ്ങളോടു കല്‍പിച്ചവയെല്ലാം അനുസരിക്കാന്‍ അവരെ പഠിപ്പിക്കുവിന്‍. യുഗാന്തംവരെ എന്നും ഞാന്‍ നിങ്ങളോടുകൂടെ ഉണ്ടായിരിക്കും."
നിയമ ലംഘനം ദൈവം എങ്ങനെ കാണുന്നു?
One:
ഏശയ്യാ 24 : 5-6
ആകാശം ഭൂമിയോടൊപ്പം വാടിപ്പോകുന്നു. ഭൂമി അതിലെ നിവാസികള്‍ നിമിത്തം അശുദ്ധമായിത്തീര്‍ന്നിരിക്കുന്നു. അവര്‍ നിയമം ലംഘിക്കുകയും കല്‍പനകളില്‍നിന്നു വ്യതിചലിക്കുകയും അങ്ങനെ ശാശ്വതമായ ഉടമ്പടിക്കു ഭംഗം വരുത്തുകയും ചെയ്തിരിക്കുന്നു.
അതിനാല്‍, ശാപം ഭൂമിയെ വിഴുങ്ങുകയും ഭൂവാസികള്‍ തങ്ങളുടെ അകൃത്യത്തിന്‍റെ ശിക്ഷ അനുഭവിക്കുകയും ചെയ്യുന്നു. അതുകൊണ്ട്, ഭൂമിയിലെ നിവാസികള്‍ ദഹിച്ചുതീരുന്നു. ചുരുക്കം പേര്‍ മാത്രം അവശേഷിക്കുന്നു.
Two:
പുറപ്പാട് 20 : 5-6 (പത്തു കല്പനകളിൽ ദൈവം പറഞ്ഞത്)
യഹോവ ദൈവം: "...എന്തെന്നാല്‍, ഞാന്‍, നിന്റെ ദൈവമായ യഹോവ, അസഹിഷ്ണുവായ ദൈവമാണ്. എന്നെ വെറുക്കുന്ന* പിതാക്കന്‍മാരുടെ കുറ്റങ്ങള്‍ക്ക് അവരുടെ മക്കളെ മൂന്നും നാലും തലമുറവരെ ഞാന്‍ ശിക്ഷിക്കും.
എന്നാല്‍, എന്നെ സ്നേഹിക്കുകയും എന്‍റെ കല്പനകള് പാലിക്കുകയും** ചെയ്യുന്നവരോട് ആയിരമായിരം തലമുറകള്‍ വരെ ഞാന്‍ കരുണ കാണിക്കും."
*ദൈവത്തെ വെറുക്കുന്നത് = ദൈവ കല്പനകൾ ലംഖിക്കുക
**ദൈവത്തെ സ്നേഹിക്കുന്നത് = ദൈവ കല്പനകൾ പാലിക്കുക
Three:
1 സാമുവല്‍ 15 : 22-23
സാമുവല്‍ പറഞ്ഞു: "തന്റെ കല്പന അനുസരിക്കുന്നതോ ദഹനബലികളും മറ്റു ബലികളും അര്‍പ്പിക്കുന്നതോ യഹോവയ്‌ക്കു പ്രീതികരം? അനുസരണം ബലിയേക്കാള്‍ ശ്രേഷ്ഠം; മുട്ടാടുകളുടെ മേദസ്സിനെക്കാള്‍ ഉത്കൃഷ്ടം.
മാത്സര്യം (ധിക്കാരം, rebellion) മന്ത്രവാദംപോലെ പാപമാണ്; മര്‍ക്കടമുഷ്ടി (വാശി, stubbornness) വിഗ്രഹാരാധനപോലെയും. യഹോവയുടെ വചനം നീ തിരസ്കരിച്ചതിനാല്‍, അവിടുന്ന് രാജത്വത്തില്‍ നിന്ന് നിന്നെയും തിരസ്കരിച്ചിരിക്കുന്നു."
യേശുവിലുള്ള വിശ്വാസം മൂലം യഹോവയുടെ നിയമങ്ങൾ പാലിക്കണ്ടേ?
റോമാ 3 : 31
ആകയാല്‍, നാം നിയമത്തെ വിശ്വാസത്താല്‍ അസാധുവാക്കുകയാണോ? ഒരിക്കലുമല്ല; നിയമത്തെ ഉറപ്പിക്കുകയത്രേ ചെയ്യുന്നത്.
യാക്കോബ് 2 : 14, 24
എന്‍റെ സഹോദരരേ, വിശ്വാസമുണ്ടെന്നു പറയുകയും പ്രവൃത്തി ഇല്ലാതിരിക്കുകയും ചെയ്യുന്നവന് എന്തു മേന്‍മയാണുള്ളത്? ഈ വിശ്വാസത്തിന് അവനെ രക്ഷിക്കാന്‍ കഴിയുമോ?
മനുഷ്യന്‍ വിശ്വാസംകൊണ്ടു മാത്ര മല്ല പ്രവൃത്തികളാലുമാണു നീതീകരിക്കപ്പെടുന്നതെന്നു നിങ്ങള്‍ അറിയുന്നു.
ഒരാൾക്ക് യേശുവിൽ വിശ്വാസം ഉണ്ടെന്നു കരുതി അവൻ മന്ത്രവാദവും, വിഗ്രഹ ആരാധനയും, കൂടോത്രവും തുടർന്നാൽ ദൈവത്തിനെ കൺമുമ്പിൽ അത് എന്താണ്?
വെളിപാടിൽ വിശുദ്ധർ ദൈവകല്പനകൾ പാലിക്കുന്നുണ്ടോ?
വെളിപാട്‌ 12 : 17
അപ്പോള്‍ സര്‍പ്പം സ്ത്രീയുടെ നേരേ കോപിച്ചു. യഹോവയുടെ കല്പനകൾ പാലിക്കുന്നവരും യേശുവിനു സാക്ഷ്യം വഹിക്കുന്നവരുമായി അവളുടെ സന്താനങ്ങളില്‍ ശേഷിച്ചിരുന്നവരോടുയുദ്ധം ചെയ്യാന്‍ അതു പുറപ്പെട്ടു.
വെളിപാട്‌ 14 : 12
ഇവിടെയാണ് യഹോവയുടെ കല്പനകൾ പാലിക്കുന്ന വിശുദ്ധരുടെ സഹനശക്തിയും യേശുവിലുള്ള വിശ്വാസവും വേണ്ടത്.
ദൈവസ്നേഹം എന്താണ്?
പുറപ്പാട് 20 : 6
യഹോവ ദൈവം: "എന്നാല്‍, എന്നെ സ്നേഹിക്കുകയും എന്‍റെ കല്പനകള് പാലിക്കുകയും ചെയ്യുന്നവരോട് ആയിരമായിരം തലമുറകള്‍ വരെ ഞാന്‍ കരുണ കാണിക്കും."
1 യോഹന്നാന്‍ 5 : 3
ദൈവത്തെ സ്നേഹിക്കുകയെന്നാല്‍, അവിടുത്തെ കല്പനകള് അനുസരിക്കുകയെന്ന് അര്‍ഥം. അവിടുത്തെ കല്പനകള് ഭാരമുള്ളവയല്ല.
നിയമലംഘനം ആണോ പാപം? അപ്പസ്തോലന്മാരുടെ എഴുത്തുകൾ
1 യോഹന്നാന്‍ 3 : 4
പാപം ചെയ്യുന്നവന് നിയമം ലംഘിക്കുന്നു. പാപം നിയമലംഘനമാണ്.
റോമാ 7 : 7
ആകയാല്‍ നാം എന്താണു പറയേണ്ടത്? നിയമം പാപമാണെന്നോ? ഒരിക്കലുമല്ല. എങ്കിലും, നിയമമില്ലായിരുന്നെങ്കില്‍ ഞാന്‍ പാപമെന്തെന്ന് അറിയുമായിരുന്നില്ല. മോഹിക്കരുത് എന്നു നിയമം അനുശാസിക്കാതിരുന്നെങ്കില്‍, മോഹം എന്തെന്നു ഞാന്‍ അറിയുമായിരുന്നില്ല.
യാക്കോബ് 4 : 5
അപ്പോൾ, നിയമം വെറുതെ പറഞ്ഞതാണെന്ന് നിങ്ങൾ കരുതിയോ? നിന്നിൽ വസിക്കുന്ന ആത്മാവ് യഹോവയുടെ കല്പനകൾക്കെതിരെ** മോഹിക്കുന്നു.
**യഥാർത്ഥ ഹെബ്രായ യാക്കോബ്: https://projecttruthministries.org/studies/cochin-new-testament/cochin-hebrew-james/
അപ്പോസ്തലന്മാർ ജെറുസലേം ദൈവാലയ ശുശ്രൂഷകളിൽ പങ്കുചേർന്നോ?
AD 70-ഇൽ ജെറുസലേം ദേവാലയം റോമാ സാമ്രാജ്യം നശിപ്പിച്ചിരുന്നു. അതുകൊണ്ടു ദേവാലയ സേവകൾ എല്ലാം നിന്നു. പക്ഷെ അതിനു മുൻപ്, യേശുവിന്റെ മരണത്തിനും ഉദ്ധാനത്തിനും ശേഷവും, യേശുവിന്റെ സ്വന്തം ശിഷ്യന്മാർ ദേവാലയ സേവക്ക് പോകുന്നതിനെ കുറിച്ച് എഴുതിയിട്ടുണ്ട്.
അപ്പ. പ്രവര്‍ത്തനങ്ങള്‍ 2 : 46
അവര്‍ ഏക മനസ്സോടെ താത്പര്യപൂര്‍വ്വം അനുദിനം ദേവാലയത്തില്‍ ഒന്നിച്ചുകൂടുകയും ഭവനംതോറും അപ്പം മുറിക്കുകയും ഹൃദയലാളിത്യത്തോടും ആഹ്ളാദത്തോടും കൂടെ ഭക്ഷണത്തില്‍ പങ്കുചേരുകയും ചെയ്തിരുന്നു.
അപ്പ. പ്രവര്‍ത്തനങ്ങള്‍ 3 : 1
ഒരു ദിവസം ഒമ്പതാംമണിക്കൂറിലെ പ്രാര്‍ഥനയ്ക്കു പത്രോസും യോഹന്നാനും ദേവാലയത്തിലേക്കു പോവുകയായിരുന്നു.
അപ്പ. പ്രവര്‍ത്തനങ്ങള്‍ 21 : 26
പൗലോസ് അവരെ കൂട്ടിക്കൊണ്ടുപോയി അടുത്ത ദിവസംതന്നെ അവരോടൊപ്പം ശുദ്ധീകരണകര്‍മം നടത്തി. അവരുടെ ശുദ്ധീകരണം പൂര്‍ത്തിയാകുന്ന ദിവസവും, അവര്‍ക്കോരോരുത്തര്‍ക്കും വേണ്ടി ബലിയര്‍പ്പിക്കാനുണ്ടെന്ന വിവരവും അറിയിക്കാന്‍വേണ്ടി അവന് ദേവാലയത്തില്‍ പോയി.
പൗലോസ് നിയമത്തെ കുറിച്ച് എഴുതിയത് എന്താണ്?
പൗലോസ് ഇത്രേയുമേ പറഞ്ഞുള്ളു:
നമ്മൾ പരിച്ഛേദനം ചെയ്യുന്നതിലൂടെ രക്ഷ പ്രാപിക്കുന്നില്ല.
പകരം, യേശുവിൽ വിശ്വസിക്കുന്നതിലൂടെ ആണ് നാം രക്ഷ പ്രാപിക്കുന്നത്.
പക്ഷെ, യേശുവിൽ വിശ്വാസം ഉണ്ടെന്നും പറഞ്ഞു പാപത്തിൽ തുടരുകയും ചെയ്യരുത്.
അപ്പ. പ്രവര്‍ത്തനങ്ങള്‍ 24 : 14
പൗലോസ്: "എന്നാല്‍, നിന്റെ മുമ്പില്‍ ഇതു ഞാന്‍ സമ്മതിക്കുന്നു: അവര്‍ ഒരു മതവിഭാഗം എന്നു വിളിക്കുന്ന മാര്‍ഗമനുസരിച്ച് ഞങ്ങളുടെ പിതാക്കന്‍മാരുടെ ദൈവത്തെ ഞാന്‍ ആരാധിക്കുന്നു. നിയമത്തിലും പ്രവചനഗ്രന്ഥങ്ങളിലും എഴുതപ്പെട്ടിരിക്കുന്നവയെല്ലാം ഞാന്‍ വിശ്വസിക്കുകയും ചെയ്യുന്നു."
അപ്പ. പ്രവര്‍ത്തനങ്ങള്‍ 18 : 21**
പൗലോസ്: “ഈ വരാനിരിക്കുന്ന പെരുന്നാൾ ഞാൻ തീർച്ചയായും ജറുസലേമിൽ ആഘോഷിക്കണം; ദൈവഹിതമുണ്ടെങ്കിൽ ഞാൻ നിങ്ങളുടെ അടുക്കൽ മടങ്ങിവരും” എന്നു പറഞ്ഞുകൊണ്ട് അവൻ അവരോട് വിട പറഞ്ഞു.
**യഥാർത്ഥ ഗ്രീക്കിൽ - അതായതു പൗലോസ് യെഹോവയുടെ പെരുന്നാൾ ആഘോഷിക്കാൻ ജറുസലേമിൽ പോയെന്നു.
ഗലാത്തിയാ 3 : 11
ഒരുവനും ദൈവസന്നിധിയില്‍ നിയമം വഴി നീതീകരിക്കപ്പെടുന്നില്ല എന്നു വ്യക്തമാണ്. എന്തെന്നാല്‍, നീതിമാന്‍ വിശ്വാസം വഴിയാണു ജീവിക്കുക.
റോമാ 3 : 24
അവര്‍ അവിടുത്തെ കൃപയാല്‍ യേശുക്രിസ്തു വഴിയുള്ള വീണ്ടെടുപ്പിലൂടെ സൗജന്യമായി നീതീകരിക്കപ്പെടുന്നു.
റോമാ 6 : 1-2
അപ്പോള്‍ നാം എന്താണു പറയേണ്ടത്? കൃപ സമൃദ്ധമാകാന്‍വേണ്ടി പാപത്തില്‍ തുടരണമോ?
ഒരിക്കലും പാടില്ല. പാപത്തെ സംബന്ധിച്ചിടത്തോളം മരിച്ചവരായ നാം ഇനി അതില്‍ ജീവിക്കുന്നതെങ്ങനെ?
റോമാ 7 : 7-12
ആകയാല്‍ നാം എന്താണു പറയേണ്ടത്? നിയമം പാപമാണെന്നോ? ഒരിക്കലുമല്ല. എങ്കിലും, നിയമമില്ലായിരുന്നെങ്കില്‍ ഞാന്‍ പാപമെന്തെന്ന് അറിയുമായിരുന്നില്ല. മോഹിക്കരുത് എന്നു നിയമം അനുശാസിക്കാതിരുന്നെങ്കില്‍, മോഹം എന്തെന്നു ഞാന്‍ അറിയുമായിരുന്നില്ല.
നിയമം വിശുദ്ധംതന്നെ; കല്പന വിശുദ്ധവും ന്യായവും നല്ലതുമാണ്.
കൊളോസോസ്‌ 2 : 16
ഭക്ഷണപാനീയങ്ങളുടെ കാര്യത്തില്‍ ആരും നിങ്ങളെ കുറ്റപ്പെടുത്താതിരിക്കട്ടെ; അതുപോലെതന്നെ ഉത്സവങ്ങളുടെയും അമാവാസിയുടെയും സാബത്തിന്‍റെയും ആചരണത്തിലും.
ഇതെല്ലം എങ്ങനെ ആചരിക്കുന്നു എന്ന് പറഞ്ഞു നിങ്ങളെ ആരും കുറ്റപ്പെടുത്താതിരിക്കട്ടെ എന്ന്. പക്ഷെ കൊളോസോസിൽ പൗലോസ് ദൈവകല്പനകൾ പഠിപ്പിച്ചു എന്നതിന് തെളിവാണിത്.
പൗലോസിന്റെ എഴുത്തുകളെ കുറിച്ച് പത്രോസ്:
2 പത്രോസ് 3 : 15-17
നമ്മുടെ കര്‍ത്താവിന്‍റെ ദീര്‍ഘക്ഷമ രക്ഷാകരമാണെന്നു കരുതിക്കൊള്ളുവിന്‍. നമ്മുടെ പ്രിയപ്പെട്ട സഹോദരനായ പൗലോസ് തനിക്കു ലഭിച്ച ജ്ഞാനമനുസരിച്ച് ഇക്കാര്യം തന്നെ നിങ്ങള്‍ക്ക് എഴുതിയിട്ടുണ്ടല്ലോ.
ഈ വിഷയത്തെക്കുറിച്ചു പറയുമ്പോഴെല്ലാം, ഇങ്ങനെതന്നെയാണ് എല്ലാലേഖനങ്ങളിലും അവന് എഴുതിയിരിക്കുന്നത്.
മനസ്സിലാക്കാന്‍ വിഷമമുള്ള ചില കാര്യങ്ങള്‍ അവയിലുണ്ട്. അറിവില്ലാത്തവരും ചഞ്ചലമനസ്കരുമായ ചിലര്‍, മറ്റു വിശുദ്ധ ലിഖിതങ്ങളെപ്പോലെ അവയെയും തങ്ങളുടെ നാശത്തിനായി വളച്ചൊടിക്കുന്നു.
ആകയാല്‍ പ്രിയപ്പെട്ടവരേ, ഇക്കാര്യം മുന്‍കൂട്ടി അറിഞ്ഞുകൊണ്ട്, ദുഷ്ടരുടെ തെറ്റിനെ അനുകരിച്ചു നിങ്ങള്‍ സ്ഥൈര്യം നഷ്ടപ്പെടുത്താതിരിക്കാന്‍ ശ്രദ്ധിക്കുവിന്‍.
അന്തിക്രിസ്തുവിനെ കുറിച്ച് പൗലോസ് എഴുതിയത്:
2 തെസലോനിക്കാ 2 : 9-10
സാത്താന്‍റെ പ്രവര്‍ത്തനത്താല്‍ ആണ് നിയമനിഷേധിയുടെ** ആഗമനം, എല്ലാ ശക്തികളോടും വ്യാജമായ അടയാളങ്ങളോടും അദ്ഭുതങ്ങളോടും, സത്യത്തെ സ്നേഹിക്കാനും അങ്ങനെ രക്ഷപ്രാപിക്കാനും വിമുഖത കാണിക്കുകയാല്‍ നശിച്ചുപോകുന്നവരെ വഞ്ചിക്കുന്ന അനീതികളോടുംകൂടെ ആയിരിക്കും.
**ഗ്രീക്കിലെ വാക്കു - Strong’s G458: “anomia” - നിയമലംഘനം / violation of law, lawlessness
അന്തിക്രിസ്തുവിനെ വരെ നിയമ നിഷേധി എന്ന് വിളിക്കുന്ന പൗലോസ് യെഹോവയുടെ നിയമം ലംഖിക്കുമോ?
അബ്രഹാമിനെ യഹോവ ദൈവം അനുഗ്രഹിച്ചതിനു കാരണം?
ഉല്പത്തി 26 : 3-5 (യഹോവ ഇസഹാക്കിനോട് പറയുന്നു)
“…നിന്റെ പിതാവായ അബ്രാഹത്തോടു ചെയ്ത വാഗ്ദാനം ഞാന്‍ നിറവേറ്റും.
ആകാശത്തിലെ നക്ഷത്രങ്ങള്‍ പോലെ നിന്റെ സന്തതികളെ ഞാന്‍ വര്‍ധിപ്പിക്കും. ഈ ദേശമെല്ലാം അവര്‍ക്കു ഞാന്‍ നല്‍കും. നിന്റെ സന്തതികളിലൂടെ ഭൂമിയിലെ ജനതകളെല്ലാം അനുഗ്രഹിക്കപ്പെടും.
കാരണം, അബ്രാഹം എന്‍റെ സ്വരം കേള്‍ക്കുകയും എന്‍റെ നിര്‍ദേശങ്ങളും കല്പനകളും പ്രമാണങ്ങളും നിയമങ്ങളും പാലിക്കുകയും ചെയ്തു.”
ജോഷ്വായുടെ വിജയരഹസ്യം എന്തായിരുന്നു?
ജോഷ്വ 1 : 7-9
യഹോവ ദൈവം: 7 "എന്‍റെ ദാസനായ മോശ നല്‍കിയിട്ടുള്ള എല്ലാ നിയമങ്ങളും അനുസരിക്കുകയും ശക്തനും ധീരനുമായിരിക്കുകയും ചെയ്യുക. അവയില്‍ നിന്ന് ഇടംവലം വ്യതിചലിക്കരുത്. നിന്റെ ഉദ്യമങ്ങളിലെല്ലാം നീ വിജയം വരിക്കും.
8 ന്യായപ്രമാണഗ്രന്ഥം എപ്പോഴും നിന്റെ അധരത്തിലുണ്ടായിരിക്കണം. അതില്‍ എഴുതിയിരിക്കുന്നതെല്ലാം പാലിക്കാന്‍ നീ ശ്രദ്ധിക്കണം. അതിനെക്കുറിച്ച് രാവും പകലും ധ്യാനിക്കണം. അപ്പോള്‍ നീ അഭിവൃദ്ധി പ്രാപിക്കുകയും വിജയം വരിക്കുകയും ചെയ്യും.
9 ശക്തനും ധീരനുമായിരിക്കണമെന്നും ഭയപ്പെടുകയോ പരിഭ്രമിക്കുകയോ ചെയ്യരുതെന്നും നിന്നോടു ഞാന്‍ കല്‍പിച്ചിട്ടില്ലയോ? നിന്റെ ദൈവമായ യഹോവ നീ പോകുന്നിടത്തെല്ലാം നിന്നോടുകൂടെ ഉണ്ടായിരിക്കും."
ഇസ്രായേൽ ഭവനത്തെ (എഫ്രായിം, 10 ഗോത്രങ്ങൾ) ദൈവം ഉപേക്ഷിച്ചത് എന്തുകൊണ്ട്?
1 രാജാക്കന്‍മാര്‍ 11 : 11
യഹോവ സോളമനോട് അരുളിച്ചെയ്തു: നിന്റെ മനസ്സ് ഇങ്ങനെ തിരിയുകയും എന്‍റെ ഉടമ്പടിയും ഞാന്‍ നല്‍കിയ കല്പനകളും പാലിക്കാതിരിക്കുകയും ചെയ്തതിനാല്‍, ഞാന്‍ രാജ്യം നിന്നില്‍നിന്നു പറിച്ചെടുത്ത് നിന്റെ ദാസനു നല്‍കും.
ഹോസിയാ 4 : 6
"അജ്ഞതനിമിത്തം എന്‍റെ ജനം നശിക്കുന്നു. നീ വിജ്ഞാനം തിരസ്കരിച്ചതുകൊണ്ട് എന്‍റെ പുരോഹിതനായിരിക്കുന്നതില്‍നിന്നു നിന്നെ ഞാന്‍ തിരസ്കരിക്കുന്നു. നീ നിന്റെ ദൈവത്തിന്റെ കല്പന വിസ്മരിച്ചതുകൊണ്ട് ഞാനും നിന്റെ സന്തതികളെ വിസ്മരിക്കും."
ഹോസിയാ 8 : 11-12
"എഫ്രായിം പാപത്തിനായി ബലിപീഠങ്ങളുടെ എണ്ണം വര്‍ധിപ്പിച്ചു. അത് അവനു പാപം ചെയ്യാനുള്ള പീഠങ്ങളായി. ഞാന്‍ അവന് അനേകം പ്രമാണങ്ങള്‍ എഴുതിക്കൊടുത്തിരുന്നെങ്കില്‍തന്നെയും അവന് അവ അപരിചിതമായി തോന്നുമായിരുന്നു."
ദാവീദ് യെഹോവയുടെ നിയമത്തെ പുകഴ്ത്തി എഴുതിയിട്ടുണ്ടോ?
സങ്കീര്‍ത്തനങ്ങള്‍ 1 : 1-2
ദുഷ്ടരുടെ ഉപദേശം സ്വീകരിക്കുകയോ പാപികളുടെ വഴിയില്‍ വ്യാപരിക്കുകയോ പരിഹാസകരുടെ പീഠങ്ങളിലിരിക്കുകയോ ചെയ്യാത്തവന്‍ ഭാഗ്യവാന്‍. അവന്‍റെ ആനന്ദം യഹോവയുടെ നിയമത്തിലാണ്; രാവും പകലും അവന് അതിനെക്കുറിച്ചു ധ്യാനിക്കുന്നു.
സങ്കീര്‍ത്തനങ്ങള്‍ 19 : 7
യഹോവയുടെ നിയമം അവികലമാണ്; അത് ആത്മാവിനു പുതുജീവന്‍ പകരുന്നു.
സങ്കീര്‍ത്തനങ്ങള്‍ 25 : 14
യഹോവയുടെ സൗഹൃദം അവിടുത്തെ ഭയപ്പെടുന്നവര്‍ക്കുള്ളതാണ്, അവിടുന്നു തന്റെ ഉടമ്പടി അവരെ അറിയിക്കും.
സങ്കീര്‍ത്തനങ്ങള്‍ 78 : 1
എന്‍റെ ജനമേ, എന്‍റെ നിയമം ശ്രവിക്കുക; എന്‍റെ വാക്കുകള്‍ക്കു ചെവിതരുക.
സങ്കീര്‍ത്തനങ്ങള്‍ 89 : 28-34
"എന്‍റെ കരുണ എപ്പോഴും അവന്‍റെ (യിസ്രായേൽ) മേല്‍ ഉണ്ടായിരിക്കും; അവനോടുള്ള എന്‍റെ ഉടമ്പടി അചഞ്ചലമായി നിലനില്‍ക്കും. ഞാന്‍ അവന്‍റെ വംശത്തെ ശാശ്വതമാക്കും; അവന്‍റെ സിംഹാസനം ആകാശമുള്ളിടത്തോളം കാലം നിലനില്‍ക്കും.
അവന്‍റെ സന്തതി എന്‍റെ നിയമം ഉപേക്ഷിക്കുകയും, എന്‍റെ വിധികള്‍ അനുസരിക്കാതിരിക്കുകയും, എന്‍റെ ചട്ടങ്ങള്‍ ലംഘിക്കുകയും, എന്‍റെ കല്പനകള് പാലിക്കാതിരിക്കുകയും ചെയ്താല്‍, ഞാന്‍ അവരുടെ ലംഘനത്തെ ദണ്‍ഡുകൊണ്ടും അവരുടെ അകൃത്യങ്ങളെ ചമ്മട്ടികൊണ്ടും ശിക്ഷിക്കും.
എന്നാലും ഞാന്‍ എന്‍റെ കാരുണ്യം അവനില്‍നിന്നു പിന്‍വലിക്കുകയില്ല; എന്‍റെ വിശ്വസ്തതയ്ക്കുഭംഗം വരുത്തുകയില്ല. ഞാന്‍ എന്‍റെ ഉടമ്പടി ലംഘിക്കുകയില്ല; ഞാന്‍ ഉച്ചരിച്ചവാക്കിനു വ്യത്യാസം വരുത്തുകയില്ല."
സങ്കീര്‍ത്തനങ്ങള്‍ 94 : 12
യഹോവ, അവിടുന്നു ശിക്ഷിക്കുകയും നിയമം പഠിപ്പിക്കുകയും ചെയ്യുന്നവന് ഭാഗ്യവാന്‍.
സങ്കീര്‍ത്തനങ്ങള്‍ 105 : 7-10
അവിടുന്നാണു നമ്മുടെ ദൈവമായ യഹോവ; അവിടുത്തെ ന്യായവിധികള്‍ ഭൂമിക്കുമുഴുവന്‍ ബാധകമാകുന്നു.
അവിടുന്നു തന്റെ ഉടമ്പടി എന്നേക്കും അനുസ്മരിക്കും; തന്റെ വാഗ്ദാനം തലമുറകള്‍വരെ ഓര്‍മിക്കും.
അബ്രാഹത്തോടു ചെയ്ത ഉടമ്പടി, ഇസഹാക്കിനു ശപഥപൂര്‍വം നല്‍കിയ വാഗ്ദാനംതന്നെ.
അവിടുന്ന് അതു യാക്കോബിന് ഒരു ചട്ടമായും ഇസ്രായേലിനു ശാശ്വതമായ ഒരു ഉടമ്പടിയായും സ്ഥിരീകരിച്ചു.
സങ്കീര്‍ത്തനങ്ങള്‍ 119 : 1
അപങ്കിലമായ മാര്‍ഗത്തില്‍ ചരിക്കുന്നവര്‍, യഹോവയുടെ നിയമം അനുസരിക്കുന്നവര്‍, ഭാഗ്യവാന്‍മാര്‍.
സങ്കീര്‍ത്തനങ്ങള്‍ 119 : 53
അങ്ങയുടെ പ്രമാണങ്ങളെ ഉപേക്ഷിക്കുന്ന ദുഷ്ടര്‍ മൂലം രോഷം എന്നില്‍ ജ്വലിക്കുന്നു.
സങ്കീര്‍ത്തനങ്ങള്‍ 119 - മുഴുവൻ
അന്തിക്രിസ്തു / എതിർ-ക്രിസ്തു നിയമ നിഷേധി ആണോ?
2 തെസലോനിക്കാ 2 : 3
ആരും നിങ്ങളെ ഒരുവിധത്തിലും വഞ്ചിക്കാതിരിക്കട്ടെ. എന്തെന്നാല്‍, ആ ദിവസത്തിനുമുമ്പു വിശ്വാസത്യാഗമുണ്ടാവുകയും നാശത്തിന്‍റെ സന്താനമായ നിയമരാഹിത്യത്തിന്റെ** മനുഷ്യന്‍ പ്രത്യക്ഷപ്പെടുകയും ചെയ്യേണ്ടിയിരിക്കുന്നു.
2 തെസലോനിക്കാ 2 : 9-10
സാത്താന്‍റെ പ്രവര്‍ത്തനത്താല്‍ ആണ് നിയമനിഷേധിയുടെ** ആഗമനം, എല്ലാ ശക്തികളോടും വ്യാജമായ അടയാളങ്ങളോടും അദ്ഭുതങ്ങളോടും, സത്യത്തെ സ്നേഹിക്കാനും അങ്ങനെ രക്ഷപ്രാപിക്കാനും വിമുഖത കാണിക്കുകയാല്‍ നശിച്ചുപോകുന്നവരെ വഞ്ചിക്കുന്ന അനീതികളോടുംകൂടെ ആയിരിക്കും.
**ഗ്രീക്കിലെ വാക്കു - Strong’s G458: “anomia” - നിയമലംഘനം / violation of law, lawlessness
Google Sites
Report abuse