അന്തിക്രിസ്തുവും യഹോവയുടെ നിയമവും / Anti-Christ, the Lawless One.

2 തെസ്സലോനിക്കയിൽ പൗലോസ് അപ്പസ്തോലന് കിട്ടിയ വെളിപാട് അനുസരിച്ചു അന്തിക്രിസ്തുവിനെ 'നിയമവിരുദ്ധൻ ആയ മനുഷ്യൻ / Man of Lawlessness' എന്നാണ് വിളിച്ചിരിക്കുന്നത്.

ആരുടെ നിയമത്തെ ആയിരിക്കും അന്തിക്രിസ്തു എതിർക്കുന്നത്? യഹോവയുടെ യഥാർത്ഥ നിയമങ്ങൾ (Torah in Hebrew).

താഴെ കാണുന്ന വാക്യങ്ങൾ വായിക്കു - ഗ്രീക്കിലെ യഥാർത്ഥ വാക്കാണ് ഞാൻ എടുത്തു കാണിക്കുന്നത്:

2 തെസലോനിക്കാ 2 : 3

ആരും നിങ്ങളെ ഒരുവിധത്തിലും വഞ്ചിക്കാതിരിക്കട്ടെ. എന്തെന്നാല്‍, ആ ദിവസത്തിനുമുമ്പു വിശ്വാസത്യാഗമുണ്ടാവുകയും നാശത്തിന്‍റെ സന്താനമായ നിയമരാഹിത്യത്തിന്റെ** മനുഷ്യന്‍ പ്രത്യക്ഷപ്പെടുകയും ചെയ്യേണ്ടിയിരിക്കുന്നു.

2 തെസലോനിക്കാ 2 : 7a

നിയമരാഹിത്യത്തിന്റെ** അജ്ഞാത ശക്തി ഇപ്പോഴേ പ്രവര്‍ത്തിച്ചു കൊണ്ടിരിക്കുന്നുണ്ട്…

2 തെസലോനിക്കാ 2 : 8

അപ്പോൾ നിയമവിരുദ്ധൻ** വെളിപ്പെടും. കര്‍ത്താവായ യേശു തന്‍റെ വായില്‍നിന്നുള്ള നിശ്വാസം കൊണ്ട് അവനെ സംഹരിക്കുകയും തന്‍റെ പ്രത്യാഗമനത്തിന്‍റെ മഹത്വത്താൽ അവനെ നശിപ്പിക്കുകയും ചെയ്യും.

2 തെസലോനിക്കാ 2 : 9-10

സാത്താന്‍റെ പ്രവര്‍ത്തനത്താല്‍ ആണ് നിയമനിഷേധിയുടെ** ആഗമനം, എല്ലാ ശക്തികളോടും വ്യാജമായ അടയാളങ്ങളോടും അദ്ഭുതങ്ങളോടും, സത്യത്തെ സ്നേഹിക്കാനും അങ്ങനെ രക്ഷപ്രാപിക്കാനും വിമുഖത കാണിക്കുകയാല്‍ നശിച്ചുപോകുന്നവരെ വഞ്ചിക്കുന്ന അനീതികളോടുംകൂടെ ആയിരിക്കും.

**ഗ്രീക്കിലെ വാക്കു - Strong’s G458: “anomia” - നിയമലംഘനം / violation of law, lawlessness

ഒന്നും കൂടെ, ആരുടെ നിയമം ആണ് അന്തിക്രിസ്തു നിഷേധിക്കുന്നത്? യഹോവയുടെ നിയമം.

ഒത്തിരി ക്രയിസ്തവ സഭകളിൽ പഠിപ്പിക്കുന്നുണ്ട് യേശു മിശിഹാ പിതാവായ യഹോവയുടെ നിയമങ്ങൾ തള്ളി കളഞ്ഞു എന്ന്. പക്ഷെ അത് തെറ്റാണെന്നു ഞാൻ ഇവിടെ ചർച്ച ചെയ്യുന്നുണ്ട്.

അന്തിക്രിസ്തു, അല്ലെങ്കിൽ എതിർ ക്രിസ്തുവിനെ പോലെ നമ്മളും നമ്മുടെ സഭകളുടെ പഠനങ്ങൾ കാരണം യഹോവയുടെ നിയമങ്ങൾ നിഷേധിക്കുന്നുണ്ടോ? നമ്മളും യഹോവയുടെ നിയമങ്ങൾ നിഷേധിക്കുന്നുണ്ടെങ്കിൽ, നമ്മളും അതികൃസ്തുവിനെ പോലെ തന്നെ അല്ലെ അപ്പോൾ?

യേശു ദൈവത്തിന്റെ നിയമം പാലിച്ചോ, അതോ ലംഖിച്ചോ?

ആരാണ് എഫ്രായിം? ഭൂരിപക്ഷം ക്രിസ്ത്യാനികൾ ഇസ്രായേൽക്കാർ ആണ്

യഥാർത്ഥ രണ്ടാം കല്പന അറിയുമോ?