യഹോവയുടെ 7 തിരുനാളുകള്
യഹോവയുടെ 7 തിരുനാളുകള്
Embedded Files
ലേവ്യര് 23 : 2
യഹോവ ദൈവം: "ഇസ്രായേല് ജനത്തോടു പറയുക, വിശുദ്ധ സമ്മേളനങ്ങള് വിളിച്ചുകൂട്ടേണ്ട യഹോവയുടെ തിരുനാളുകള് ഇവയാണ്.
ആരുടെ തിരുന്നാളുകൾ? യഹോവ ദൈവത്തിന്റെ!
ചോദ്യം: "പക്ഷെ ഈ തിരുന്നാളുകൾ ഇസ്രായേലിനു മാത്രം അല്ലെ?"
ഉത്തരം:
അല്ല. ദൈവജനത്തിനാണ്. അതുകൊണ്ടാണ് "യഹോവയുടെ തിരുന്നാളുകൾ" എന്ന് ദൈവം തന്നെ വിളിച്ചത്.
പിന്നെ, നമ്മൾ ക്രിസ്ത്യാനികൾ അബ്രഹാമിന്റെ സന്തതികൾ അല്ലെ (ഗലാത്തിയ 3:29)?
നമ്മൾ ക്രിസ്ത്യാനികൾ ഇസ്രായേലിലേക്ക് ഒട്ടിച്ചേർക്കപ്പെട്ടവർ അല്ലെ (റോമാ 11)?
ഭൂരിഭാഗം ക്രിസ്ത്യാനികൾ എഫ്രായേം (10 Lost Tribes of Israel) ഭവനത്തിൽ നിന്ന് ചിതറിപ്പോയവർ ആണെന്നും പഠിച്ചില്ല?
യേശുവോ ഏതെങ്കിലും അപ്പസ്തോലനോ യഹോവയുടെ തിരുന്നാളുകൾ ആചരിക്കേണ്ട എന്ന് പഠിപ്പിച്ചുട്ടുണ്ടോ?
അതുകൊണ്ട് നമ്മൾ ക്രിസ്ത്യാനികൾക്കും ഇതൊക്കെ ബാധകമാണ്.
പൗലോശ്ലീഹാ എഫെസോസുകർക്കു എഴുതിയത് വായിക്കു:
എഫേസോസ് 2 : 12-13
"അന്ന് നിങ്ങള് ക്രിസ്തുവിനെ അറിയാത്തവരും ഇസ്രായേല് സമൂഹത്തില്നിന്ന് അകറ്റപ്പെട്ടവരും ഉടമ്പടിയുടെ വാഗ്ദാനത്തിന് അപരിചിതരും പ്രത്യാശയില്ലാത്തവരും ലോകത്തില് ദൈവവിശ്വാസമില്ലാത്തവരുമായിരുന്നു എന്ന കാര്യം അനുസ്മരിക്കുക. എന്നാല്, ഒരിക്കല് വിദൂരസ്ഥരായിരുന്ന നിങ്ങള് ഇപ്പോള് യേശുക്രിസ്തുവില് അവന്റെ രക്തംവഴി സമീപസ്ഥരായിരിക്കുന്നു."
ശ്രദ്ധിച്ചോ?
വിജാതീയർ ആയിരുന്ന എഫെസോസുകാർ ക്രിസ്തുവിനെ സ്വീകരിക്കുന്നതിലൂടെ ഇസ്രായേൽ സമൂഹത്തിന്റെയും വിശുദ്ധ ഉടമ്പടിയുടെയും ഭാഗമായി എന്നാണ് പൗലോസ് ഇവിടെ ഉദ്ദേശിച്ചത്.
പുറപ്പാട് 12 : 49
യഹോവ ദൈവം: “സ്വദേശിക്കും നിങ്ങളുടെയിടയില് പാര്ക്കുന്ന പരദേശിക്കും ഒരു നിയമമേ (Torah, Instructions) ഉണ്ടാകാവൂ.”
ഒരു ദൈവം, ഒരു ജനം, ഒരു നിയമം.
ലേവ്യർ 23-ഇൽ യഹോവയുടെ തിരുന്നാളുകൾ ദൈവം അറിയിച്ചിട്ടുണ്ട്:
പെസഹാ (Passover)
പുളിപ്പില്ലാത്ത അപ്പത്തിന്റെ തിരുനാൾ (Feast of Unleavened Bread)
ആദ്യഫലങ്ങളുടെ തിരുനാൾ (Feast of First Fruits)
ആഴ്ചകളുടെ തിരുനാൾ (Pentecost)
കാഹളങ്ങളുടെ തിരുനാൾ (Day of Trumpets)
പ്രായശ്ചിത്ത ദിനം (Day of Atonement)
കൂടാരത്തിരുന്നാൽ (Feast of Tabernacles)
ഒന്നും കൂടെ, ആരുടെ തിരുന്നാളുകളാണിവ? യഹൂദരുടെ അല്ല, ഇസ്രയേലിന്റെ അല്ല. നമ്മുടെ കർത്താവായ യഹോവ ദൈവത്തിന്റെ തിരുന്നാളുകൾ ആണ് ഇവ. ഇതിൽ ഈസ്റ്റർ ഇല്ല, ക്രിതുമസ് ഇല്ല, മരിച്ചു പോയ മറിയാമോ, വിശുദ്ധരോടുമുള്ള തിരുന്നാളുകളും ഇല്ല. അതൊക്കെ മനുഷ്യരുടെ പുറജാതീയ പാരമ്പര്യങ്ങൾ ആണ്. യഹോവയുടെ അല്ല.
മത്തായി 15 : 3
യേശു മറുപടി പറഞ്ഞു: നിങ്ങളുടെ പാരമ്പര്യത്തിന്റെ പേരില് നിങ്ങള് ദൈവത്തിന്റെ പ്രമാണം ലംഖിക്കുന്നതു എന്തുകൊണ്ട്?
യേശു യെഹോവയുടെ തിരുന്നാളുകൾ ആഘോഷിച്ചോ?
യേശു യെഹോവയുടെ തിരുന്നാളുകൾ ആഘോഷിച്ചോ?
ലൂക്കാ 2 : 41-43
യേശുവിന്റെ മാതാപിതാക്കന്മാര് ആണ്ടുതോറും പെസഹാത്തിരുനാളിന് ജറുസലെമില് പോയിരുന്നു.
അവനു (യേശു) പന്ത്രണ്ടു വയസ്സായപ്പോള് പതിവനുസരിച്ച് അവര് തിരുനാളിനു പോയി.
തിരുനാള് കഴിഞ്ഞ് അവര് മടങ്ങിപ്പോന്നു. എന്നാല് ബാലനായ യേശു ജറുസലെമില് തങ്ങി; മാതാപിതാക്കന്മാര് അത് അറിഞ്ഞില്ല.
Note: പെസഹായും പുളിപ്പില്ലാത്ത അപ്പത്തിന്റെ തിരുന്നാളും ഒന്നിച്ചു പോകുന്നു.
യോഹന്നാന് 2 : 13
(യഹൂദരുടെ) പെസഹാ അടുത്തിരുന്നതിനാല് യേശു ജറൂസലെമിലേക്കു പോയി.
യോഹന്നാന് 5 : 1
ഇതിനുശേഷം, (യഹൂദരുടെ) ഒരു തിരുനാളിന് യേശു ജറുസലെമിലേക്കു പോയി.
യോഹന്നാന് 7 : 2, 10
(യഹൂദരുടെ) കൂടാരത്തിരുനാള് സമീപിച്ചിരുന്നു.
എന്നാല്, അവന്റെ സഹോദരന്മാര് തിരുനാളിനു പോയതിനുശേഷം അവനും പോയി; പരസ്യമായല്ല, രഹസ്യമായി.
Note: ഇവിടെ "യഹൂദരുടെ" എന്ന വാക്ക് പിന്നീട് വിജാതീയ ക്രയിസ്തവ സഭകൾ വേർതിരിച്ചറിയാൻ കൂട്ടിച്ചേർത്തതാണ്. ലേവ്യര് 23 : 2-ഇൽ നിങ്ങൾ വായിച്ചു, ഇതെല്ലം "യഹോവയുടെ തിരുന്നാളുകൾ" ആണെന്ന്.
യോഹന്നാന് 7 : 37
തിരുനാളിന്റെ (കൂടാരത്തിരുനാള്) അവസാനത്തെ മഹാദിനത്തില് യേശു എഴുന്നേറ്റുനിന്നു ശബ്ദമുയര്ത്തിപ്പറഞ്ഞു: ആര്ക്കെങ്കിലും ദാഹിക്കുന്നെങ്കില് അവന് എന്റെ അടുക്കല് വന്നു കുടിക്കട്ടെ.
Note: യോഹന്നാൻ അപ്പസ്തോലൻ പറഞ്ഞത് നമുക്ക് ഓർക്കാം
1 യോഹന്നാന് 2 : 6
അവനില് വസിക്കുന്നെന്നു പറയുന്നവന് അവന് നടന്ന അതേ വഴിയിലൂടെ നടക്കേണ്ടിയിരിക്കുന്നു.
യേശു ശെരിക്കും മരിച്ചതും ഉയർത്തു എഴുന്നേറ്റതും എപ്പോഴാണ്?
യേശു ശെരിക്കും മരിച്ചതും ഉയർത്തു എഴുന്നേറ്റതും എപ്പോഴാണ്?
യേശുവിന്റെ ആദ്യത്തെ വരവും, രണ്ടാമത്തെ വരവും യഹോവയുടെ കലണ്ടർ പ്രകാരം ആണ്.
യേശു മരിച്ചത് - പെസഹാ ദിവസം.
ഭൂമിക്കടിയിൽ പോയത് - പുളിപ്പില്ലാത്ത അപ്പത്തിന്റെ തിരുനാളിൽ.
ഉയർത്തെഴുന്നേറ്റതു - ആദ്യഫലങ്ങളുടെ തിരുനാളിൽ.
പരിശുദ്ധാത്മാവിനെ കൊടുത്ത് - ആഴ്ചകളുടെ തിരുനാളിൽ.
ഇതെല്ലം ലേവ്യർ 23-ഇൽ എഴുതിയിട്ടുള്ള യഹോവയുടെ തിരുന്നാളുകൾ പ്രകാരം അല്ലെ?
1 യോഹന്നാന് 2 : 6
അവനില് വസിക്കുന്നെന്നു പറയുന്നവന് അവന് നടന്ന അതേ വഴിയിലൂടെ നടക്കേണ്ടിയിരിക്കുന്നു.
താഴെ കാണുന്ന video കണ്ടോളു. കൂടുതൽ മനസിലാകും.
യേശു മിശിഹാ തിരിച്ചു വന്നിട്ട് തിരുന്നാൾ ആഘോഷിക്കുമോ?
യേശു മിശിഹാ തിരിച്ചു വന്നിട്ട് തിരുന്നാൾ ആഘോഷിക്കുമോ?
ആഘോഷിക്കും. ആരെങ്കിലും ആഘോഷിക്കാൻ വന്നില്ലെങ്കിൽ അവർക്കു മഴ കൊടുക്കില്ല, പകരം മഹാമാരികൾ കൊടുക്കും എന്നാണ് പ്രവചനം!!
യേശുവിന്റെ രണ്ടാം വരവിനെ കുറിച്ചുള്ള പ്രവചനം:
സഖറിയാ 14 : 3-4, 8-9, 12, 16-19
3 യെഹോവ (യേശു തന്നെ) പുറപ്പെട്ട് യുദ്ധദിനത്തിലെന്നപോലെ ആ ജനതകളോടു പൊരുതും.
4 ജറുസലെമിനു കിഴക്കുള്ള ഒലിവുമലയില് അന്ന് അവിടുന്ന് നിലയുറപ്പിക്കും. ഒലിവുമല കിഴക്കുപടിഞ്ഞാറായി നടുവേ പിളര്ന്ന്, നടുക്ക് വലിയ ഒരു താഴ്വരയുണ്ടാകും. മലയുടെ ഒരു പകുതി വടക്കോട്ടും മറ്റേ പകുതി തെക്കോട്ടും നീങ്ങും.
8 അന്ന് ജീവജലം ജറുസലെമില് നിന്നു പുറപ്പെട്ട് പകുതി കിഴക്കേ കടലിലേക്കും പകുതി പടിഞ്ഞാറേ കടലിലേക്കും ഒഴുകും. അത് വേനല്ക്കാലത്തും ശീതകാലത്തും ഒഴുകിക്കൊണ്ടിരിക്കും.
9 യെഹോവ ഭൂമി മുഴുവന്റെയും രാജാവായി വാഴും. അന്ന് യെഹോവ ഒരുവന് മാത്രമേ ഉണ്ടായിരിക്കുകയുള്ളു; അവിടുത്തേക്ക് ഒരു നാമം മാത്രവും.
12 ജറുസലെമിനോടുയുദ്ധം ചെയ്യുന്ന ജനതകളുടെമേല് യെഹോവ അയയ്ക്കുന്ന മഹാമാരി ഇതാണ്: ജീവനോടിരിക്കുമ്പോള്തന്നെ അവരുടെ ശരീരം ചീഞ്ഞുപോകും. അവരുടെ കണ്ണ് കണ്തടത്തിലും നാവ് വായിലും അഴുകും.
16 ജറുസലെമിനെതിരേ വന്ന സര്വ ജനതകളിലും അവശേഷിക്കുന്നവര് സൈന്യങ്ങളുടെ യെഹോവ രാജാവിനെ ആരാധിക്കാനും കുടാരത്തിരുന്നാള് ആചരിക്കാനും ആണ്ടുതോറും അവിടേക്കു വരും.
17 ഭൂമിയിലെ ഏതെങ്കിലും ഭവനം സൈന്യങ്ങളുടെ യെഹോവ രാജാവിനെ ആരാധിക്കാന് ജറുസലെമിലേക്കു വന്നില്ലെങ്കില് അവര്ക്കു മഴ ലഭിക്കുകയില്ല.
18 ഈജിപ്ത്ഭവനം ആരാധിക്കാന് വന്നില്ലെങ്കില് കൂടാരത്തിരുന്നാള് ആചരിക്കാന് വരാത്ത ജനതകളുടെമേല് യെഹോവ അയയ്ക്കുന്ന മഹാമാരി അവരുടെമേലും വരും.
19 ഇതാണ് ഈജിപ്തിനും കൂടാരത്തിരുനാള് ആചരിക്കാന് വരാത്ത ജനതകള്ക്കും ലഭിക്കുന്ന ശിക്ഷ.
സഖറിയാ 14 മുഴുവൻ വായിക്കു.
അപ്പസ്തോലന്മാർ യെഹോവയുടെ തിരുന്നാളുകൾ ആഘോഷിച്ചോ?
അപ്പസ്തോലന്മാർ യെഹോവയുടെ തിരുന്നാളുകൾ ആഘോഷിച്ചോ?
ആഘോഷിച്ചു. യേശു കല്പിച്ചതും ചെയ്തതും മാത്രമേ അപ്പസ്തോലന്മാരും പഠിപ്പിക്കുകയുള്ളു:
മത്തായി 28 : 20
യേശു: "...ഞാന് നിങ്ങളോടു കല്പിച്ചവയെല്ലാം അനുസരിക്കാന് അവരെ പഠിപ്പിക്കുവിന്..."
ഒത്തിരി സഭകളിൽ തെറ്റായി പഠിപ്പിക്കുന്നു യേശുവിന്റെ അപ്പസ്തോലന്മാർ ദൈവത്തിന്റെ വിശുദ്ധ തിരുന്നാൾ ദിനങ്ങൾ പാലിച്ചില്ല എന്ന്! യഹൂദർ ആയിരുന്ന അവർ ദൈവകല്പനകൾ വിട്ടു നിൽക്കില്ല, നില്ക്കാൻ പഠിപ്പിക്കില്ല.
ചിലർ പറയുന്നു അപ്പസ്തോലന്മാർ ദൈവത്തിന്റെ 7 തിരുന്നാളുകൾക്കു ജറുസലേമിൽ പോയത് യഹൂദരോട് സുവിശേഷം പ്രസംഗിക്കാൻ മാത്രം ആണെന്ന്! അതും തെറ്റാണു. ആ പുറജാതീയ ചിന്താഗതി AD 300s-ഇൽ റോമൻ സ്വാധീനത്തിൽ തുടങ്ങിയതാണ്. റോമിന് യഹൂദരോടുള്ള വെറുപ്പ് ദൈവകല്പനകളോടുള്ള വെറുപ്പായി മാറി.
അപ്പസ്തോല-പ്രവർത്തന പുസ്തകത്തിൽ പല പ്രാവിശ്യം അപ്പസ്തോലന്മാർ തിരുന്നാൾ ആഘോഷിക്കാൻ പോയി എന്ന് എഴുതിയിട്ടുണ്ട്. താഴെ വായിച്ചോളൂ:
അപ്പസ്തോലന്മാരുടെ പ്രവര്ത്തനങ്ങള് 2 : 1-4
പന്തക്കുസ്താദിനം (ആഴ്ചകളുടെ തിരുനാൾ) സമാഗതമായപ്പോള് അവരെല്ലാവരും (യേശുവിന്റെ അപ്പസ്തോലന്മാർ) ഒരുമിച്ചുകൂടിയിരിക്കുകയായിരുന്നു.
കൊടുങ്കാറ്റടിക്കുന്നതുപോലുള്ള ഒരു ശബ്ദം പെട്ടെന്ന് ആകാശത്തുനിന്നുണ്ടായി. അത് അവര് സമ്മേളിച്ചിരുന്ന വീടുമുഴുവന് നിറഞ്ഞു.
അഗ്നിജ്വാലകള്പോലുള്ള നാവുകള് തങ്ങളോരോരുത്തരുടെയുംമേല് വന്നു നില്ക്കുന്നതായി അവര് കണ്ടു.
അവരെല്ലാവരും പരിശുദ്ധാത്മാവിനാല് നിറഞ്ഞു. ആത്മാവുകൊടുത്ത ഭാഷണവരമനുസരിച്ച് അവര് വിവിധ ഭാഷകളില് സംസാരിക്കാന് തുടങ്ങി.
Note: പരിശുദ്ധ ആത്മാവിനെ കൊടുക്കാൻ ദൈവം തിരഞ്ഞെടുത്തത് ആഴ്ചകളുടെ തിരുന്നാൾ (Pentecost) ദിനം ആണ്!
അപ്പ. പ്രവര്ത്തനങ്ങള് 18 : 21**
പൗലോസ്: “ഈ വരാനിരിക്കുന്ന പെരുന്നാൾ ഞാൻ തീർച്ചയായും ജറുസലേമിൽ ആഘോഷിക്കണം; ദൈവഹിതമുണ്ടെങ്കിൽ ഞാൻ നിങ്ങളുടെ അടുക്കൽ മടങ്ങിവരും” എന്നു പറഞ്ഞുകൊണ്ട് അവൻ അവരോട് വിട പറഞ്ഞു.
**യഥാർത്ഥ ഗ്രീക്കിൽ - അതായതു പൗലോസ് യെഹോവയുടെ പെരുന്നാൾ ആഘോഷിക്കാൻ ജറുസലേമിൽ പോയെന്നു.
അപ്പ. പ്രവര്ത്തനങ്ങള് 20 : 6
പുളിപ്പില്ലാത്ത അപ്പത്തിന്റെ (Feast of Unleavened Bread) ദിവസങ്ങള്ക്കുശേഷം ഞങ്ങള് (പൗലോസ്) ഫിലിപ്പിയില്നിന്നു സമുദ്രയാത്ര ചെയ്ത് അഞ്ചുദിവസംകൊണ്ട് ത്രോവാസില് അവരുടെയടുത്തെത്തി.
അപ്പ. പ്രവര്ത്തനങ്ങള് 20 : 16
സാധിക്കുമെങ്കില്, പന്തക്കുസ്താദിനത്തില് (ആഴ്ചകളുടെ തിരുനാൾ) ജറുസലെമില് എത്തിച്ചേരാന് അവനു (പൗലോസ്) തിടുക്കമായിരുന്നു.
1 കോറിന്തോസ് 5 : 8
അതിനാല്, അശുദ്ധിയും തിന്മയുമാകുന്ന പഴയ പുളിപ്പുകൊണ്ടല്ല, ആത്മാര്ഥതയും സത്യവുമാകുന്ന പുളിപ്പില്ലാത്ത അപ്പംകൊണ്ട് നമുക്കു തിരുനാള് ആഘോഷിക്കാം.
Note: ശ്രദ്ധിച്ചോ? "തിരുന്നാൾ ആഘോഷിക്കാം" എന്നാണ് പൗലോസ് കോറിന്തിൽ പഠിപ്പിച്ചത്!
1 കോറിന്തോസ് 16 : 8
പൗലോസ്: "പന്തക്കുസ്താവരെ (Pentecost, ആഴ്ചകളുടെ തിരുനാൾ) ഞാന് എഫേസോസില് താമസിക്കും."
യെഹോവയുടെ തിരുന്നാളുകൾ ക്രിസ്ത്യാനികൾ എന്തിനു ആചരിക്കണം?
യെഹോവയുടെ തിരുന്നാളുകൾ ക്രിസ്ത്യാനികൾ എന്തിനു ആചരിക്കണം?
നമ്മളും ദൈവവും തമ്മിൽ ഉള്ള ഒരു അടയാളം (Mark/Sign) ആണ് ദൈവത്തിന്റെ സാബത്തുകൾ എന്ന് ദൈവം പറയുന്നു. ചില തിരുന്നാൾ ദിനങ്ങൾ വലിയ സാബത്തുകളാണ്.
എസെക്കിയേല് 20 : 12
യഹോവ: "തങ്ങളെ വിശുദ്ധീകരിക്കുന്ന കര്ത്താവ് (യെഹോവ) ഞാനാണെന്ന് അവര് അറിയാന്വേണ്ടി അവര്ക്കും എനിക്കുമിടയില് അടയാളമായി എൻ്റെ സാബത്തുകളും ഞാന് അവര്ക്കു നല്കി."
എസെക്കിയേല് 20 : 20
യഹോവ: "നിങ്ങളുടെ ദൈവമായ കര്ത്താവ് (യെഹോവ) ഞാനാണ് എന്നു നിങ്ങള് ഗ്രഹിക്കാന് വേണ്ടി നിങ്ങള്ക്കും എനിക്കുമിടയില് ഒരു അടയാളമായി എന്റെ സാബത്തുകള് നിങ്ങള് വിശുദ്ധമായി ആചരിക്കുക."
പുറപ്പാട് 31 : 13
യഹോവ: "ഇസ്രായേല് ജനത്തോടു പറയുക, നിങ്ങള് എന്റെ സാബത്ത് സൂക്ഷ്മമായി ആചരിക്കണം. എന്തെന്നാല്, യഹോവയായ ഞാനാണ് നിങ്ങളെ വിശുദ്ധീകരിക്കുന്നതെന്നു നിങ്ങള് അറിയാന്വേണ്ടി ഇത് എനിക്കും നിങ്ങള്ക്കും മധ്യേ തലമുറതോറും അടയാളമായിരിക്കും."
Notes:
നിങ്ങൾ വായിച്ചു: നമ്മളും ദൈവവും തമ്മിൽ ഉള്ള അടയാളം ആണ് യഹോവയുടെ സാബത്തുകൾ.
"തലമുറതോറും" - ദൈവം പറഞ്ഞില്ല ഇവിടെ ദൈവത്തിന്റെ പുത്രൻ വരുന്നത് വരെ എന്ന്. പകരം തലമുറതോറും നിങ്ങൾ ദൈവത്തിന്റെ സാബത്ത് ആചരിക്കണം എന്നാണ്.
"സാബത്തുകൾ" - ഏഴാം ദിവസ സാബത്തും, തിരുന്നാൾ ദിനങ്ങളിലെ വിശുദ്ധ ദിവസങ്ങൾ ആണ് "സാബത്തുകൾ" എന്ന് ദൈവം ഉദ്ദേശിക്കുന്നത്.
യഹോവയുടെ വിശുദ്ധ തിരുന്നാളുകൾ ആഘോഷിക്കുന്നതിൽ അനുഗ്രഹങ്ങൾ ഉണ്ട്.
ഏതൊക്കെയാണ് യഹോവയുടെ തിരുന്നാളുകൾ അല്ലാത്തത്?
ഏതൊക്കെയാണ് യഹോവയുടെ തിരുന്നാളുകൾ അല്ലാത്തത്?
ക്രിസ്തുമസ് / Christmas
ഈസ്റ്റർ / Easter
പള്ളി പെരുന്നാളുകൾ
മറിയത്തിനു വേണ്ടിയുള്ള പെരുന്നാളുകൾ
മരിച്ചു പോയ "വിശുദ്ധർക്ക്" വേണ്ടിയുള്ള പെരുന്നാളുകൾ
ഓണം, വിഷു എന്നിവ.
സഭ: "പക്ഷെ ഈസ്റ്റർ/Easter ആഘോഷിക്കുന്നതിൽ തെറ്റില്ലല്ലോ??"
സഭ: "പക്ഷെ ഈസ്റ്റർ/Easter ആഘോഷിക്കുന്നതിൽ തെറ്റില്ലല്ലോ??"
തെറ്റുണ്ട്. കാരണം ദൈവം തന്നെ പറയുന്നുണ്ട്.
നിയമാവര്ത്തനം 12 : 30-31 - യഹോവ ഇസ്രായേൽ ജനത്തോടു പറയുന്നു:
"…ഈ ജനം (പേഗൻമാർ / പുറജാതീയർ) ചെയ്തതുപോലെ നിങ്ങളും ചെയ്യേണ്ടതിന് ‘അവര് എപ്രകാരം തങ്ങളുടെ ദേവന്മാരെ സേവിച്ചു?’ എന്നു നിങ്ങള് അന്വേഷിക്കരുത്. നിങ്ങളുടെ ദൈവമായ യഹോവയെ ആരാധിക്കുന്നതില് നിങ്ങള് അവരെ അനുകരിക്കരുത്. യഹോവ വെറുക്കുന്ന സകല മ്ലേച്ഛതകളും അവര് തങ്ങളുടെ ദേവന്മാര്ക്കു വേണ്ടി ചെയ്തു…"
കാരണം: "നിങ്ങളുടെ ദൈവമായ യഹോവയെ ആരാധിക്കുന്നതില് നിങ്ങള് അവരെ (പേഗൻമാർ / പുറജാതീയർ) അനുകരിക്കരുത്."
കൂടുതൽ കാരണങ്ങൾ:
ഈസ്റ്റർ (Ishtaar) ഒരു പൈശാചിക ദേവതയുടെ പേരാണ്.
യേശു മരിച്ചു ഉയർത്തെഴുന്നേറ്റതു ശെരിക്കും ആഘോഷിക്കാൻ: പെസഹാ, പുളിപ്പില്ലാത്ത അപ്പത്തിന്റെ പെരുന്നാൾ, ആദ്യഫലങ്ങളുടെ തിരുന്നാൾ മാത്രം ആഘോഷിക്കുക. ഇത് നമ്മുടെ ദൈവം സ്ഥാപിച്ചതാണ്.
യേശു തിരിച്ചു വന്നിട്ട് ഈസ്റ്റർ ആഘോഷിക്കില്ല. യഹോവയുടെ വിശുദ്ധ തിരുന്നാളുകൾ മാത്രമേ ആഘോഷിക്കൂ. യേശുവിന്റെ രണ്ടാം വരവിനെ കുറിച്ച് മുകളിൽ വായിച്ചില്ലേ?
യേശു മരിച്ചത് പെസഹാ ദിവസം. ഭൂമിക്കടിയിൽ പോയത് പുളിപ്പില്ലാത്ത അപ്പത്തിന്റെ തിരുനാളിൽ. ഉയർത്തെഴുന്നേറ്റതു ആദ്യഫലങ്ങളുടെ തിരുനാളിൽ.
ദൈവത്തെ ആരാധിക്കാൻ ദൈവം തന്നെ തന്ന മാതൃക (ലേവ്യർ 23) മാറ്റി പുറജാതീയ രീതികളിൽ ആശ്രയിക്കുന്നത് തെറ്റാണു.
ഈസ്റ്ററിന്റെ തുടക്കം AD 300-ഇൽ റോമാ സാമ്രാജ്യത്തിനു ഇസ്രയേലിനോടുള്ള വെറുപ്പിൽ ആണ്. അവർക്കു ഇസ്രയേലുമായി ഒരു ബന്ധവും വേണ്ടായിരുന്നു.
വിശുദ്ധമായ യഹോവയുടെ തിരുന്നാളുകൾ അവിശുദ്ധമായ ഈസ്റ്ററുമായി മാറ്റുകയായിരുന്നു റോമാ സാമ്രാജ്യം.
ലേവ്യര് 10 : 10
യഹോവ ദൈവം: "വിശുദ്ധവും അവിശുദ്ധവും, ശുദ്ധവും അശുദ്ധവും നിങ്ങള് വേര്തിരിച്ചറിയണം."
ചോദ്യം: എങ്ങനെയാണു ഈ തിരുന്നാളുകൾ ഇപ്പോൾ ആചരിക്കുക?
ചോദ്യം: എങ്ങനെയാണു ഈ തിരുന്നാളുകൾ ഇപ്പോൾ ആചരിക്കുക?
ജെറുസലേം ദേവാലയം ഇല്ലാത്തതിനാൽ ലേവ്യർ 23 പ്രകാരം കൃത്യമായി ചെയ്യാൻ പറ്റില്ല. പക്ഷെ, പറ്റാവുന്ന രീതിയിൽ യഹോവയുടെ തിരുന്നാളുകൾ ആഘോഷിക്കാൻ ശ്രമിക്കുക. ദൈവം ഇതിലെല്ലാം നമ്മളുടെ ഹൃദയം നോക്കുന്നു. യഹോവയുടെ വിശുദ്ധ തിരുന്നാളുകൾ ആഘോഷിക്കുന്നതിൽ അനുഗ്രഹങ്ങൾ ഉണ്ട്.
ലേവ്യര് 23 : 4, 14
യഹോവ: 4 "നിശ്ചിത കാലത്ത് നിങ്ങള് പ്രഖ്യാപിക്കേണ്ട യഹോവയുടെ തിരുനാളുകള്, വിശുദ്ധ സമ്മേളനങ്ങള് ഇവയാണ്."
14 "...നിങ്ങളുടെ സകല വാസസ്ഥലങ്ങളിലും എന്നേക്കും തലമുറതോറുമുള്ള ഒരു നിയമമാണിത്."
(1) പെസഹാ (Passover) ഇപ്പോൾ എങ്ങനെ ആചരിക്കും?
(1) പെസഹാ (Passover) ഇപ്പോൾ എങ്ങനെ ആചരിക്കും?
പെസഹാ:
ഒരു സമ്മേളനം കൂടി പെസഹാ അപ്പവും വീഞ്ഞും കഴിക്കുക.
പെസഹാക്കു പുളിപ്പുള്ള അപ്പം കഴിക്കുക.
ഒറ്റക്കാണെങ്കിൽ പ്രാർത്ഥിക്കുക, ബൈബിൾ വായിക്കുക, അപ്പവും വീഞ്ഞും കഴിക്കുക.
യേശു നമുക്ക് വേണ്ടി മരിച്ചു എന്നും, യേശുവിന്റെ ശരീരവും രക്തവും നമുക്ക് വേണ്ടി ബലിയർപ്പിച്ചു എന്ന ഓർമയിൽ കഴിക്കുക.
യേശുവായിരുന്നു നമ്മുടെ പെസഹാ കുഞ്ഞാടെന്ന് വായിച്ചിട്ടില്ലേ (1 കോറിന്തോസ് 5:7)?
പുളിപ്പില്ലാത്ത അപ്പത്തിന്റെ പെരുന്നാൾ തുടങ്ങുന്നതിനു തലേ ദിവസം വൈകുന്നേരം ആണ് പെസഹാ.
(2) പുളിപ്പില്ലാത്ത അപ്പത്തിന്റെ തിരുന്നാൾ (Feast of Unleavened Bread) ഇപ്പോൾ എങ്ങനെ ആചരിക്കും?
(2) പുളിപ്പില്ലാത്ത അപ്പത്തിന്റെ തിരുന്നാൾ (Feast of Unleavened Bread) ഇപ്പോൾ എങ്ങനെ ആചരിക്കും?
പുളിപ്പില്ലാത്ത അപ്പത്തിന്റെ തിരുന്നാൾ:
"ഏഴു ദിവസം നിങ്ങള് പുളിപ്പില്ലാത്ത അപ്പം ഭക്ഷിക്കണം (ലേവ്യര് 23:6)" എന്നാണ് കല്പന.
ഏഴു ദിവസത്തേക്ക് പുളിപ്പും പുളിപ്പിച്ചതുമായ ഭക്ഷണങ്ങൾ (yeast, leaven, risen foods) ഒഴിവാക്കുക.
അതുകൊണ്ടു ഏഴു ദിവസം പുളിപ്പില്ലാത്ത അപ്പം കഴിക്കുക.
ആദ്യത്തെ ദിവസവും, ഏഴാം ദിവസവും വലിയ സാബത്തു ദിവസങ്ങൾ ആയി ആചരിക്കുക.
ആദ്യത്തെ ദിവസവും, ഏഴാം ദിവസവും വിശുദ്ധ സമ്മേളനം കൂടാൻ പറ്റുമെങ്കിൽ കൂടുക. അല്ലെങ്കിൽ പ്രാർത്ഥിക്കുക, ബൈബിൾ വായിക്കുക/പഠിക്കുക.
(3) ആദ്യഫലങ്ങളുടെ തിരുനാൾ (Feast of First Fruits) ഇപ്പോൾ എങ്ങനെ ആചരിക്കും?
(3) ആദ്യഫലങ്ങളുടെ തിരുനാൾ (Feast of First Fruits) ഇപ്പോൾ എങ്ങനെ ആചരിക്കും?
ആദ്യഫലങ്ങളുടെ തിരുന്നാൾ:
പ്രാർത്ഥിക്കുക, ബൈബിൾ വായിക്കുക/പഠിക്കുക.
യഹോവയുടെ മുമ്പിൽ ആഘോഷിക്കുക (ഭക്ഷണപാനീയങ്ങൾ).
ജോലി ചെയ്യണെങ്കിൽ ചെയ്തോളു. സാബത്തു ദിവസം അല്ല.
ഈ തിരുന്നാൾ എപ്പോഴും ഒരു ഞായറാഴ്ച ആയിട്ടേ വരൂ.
(4) ആഴ്ചകളുടെ തിരുനാൾ (Pentecost) ഇപ്പോൾ എങ്ങനെ ആചരിക്കും?
(4) ആഴ്ചകളുടെ തിരുനാൾ (Pentecost) ഇപ്പോൾ എങ്ങനെ ആചരിക്കും?
ആഴ്ചകളുടെ തിരുന്നാൾ:
ആദ്യഫലങ്ങളുടെ തിരുന്നാൾ മുതൽ അമ്പതു ദിവസം 'ഒമർ' എണ്ണുക.
വലിയ സാബത്തു ദിവസമായി ആചരിക്കുക.
സ്ഥിര വേലകൾ ഒന്നും ചെയ്യാതിരിക്കാൻ നോക്കുക.
വിശുദ്ധ സമ്മേളനം കൂടാൻ പറ്റുമെങ്കിൽ കൂടുക.
അല്ലെങ്കിൽ പ്രാർത്ഥിക്കുക, ബൈബിൾ വായിക്കുക/പഠിക്കുക.
(5) കാഹളങ്ങളുടെ തിരുനാൾ (Day of Trumpets) ഇപ്പോൾ എങ്ങനെ ആചരിക്കും?
(5) കാഹളങ്ങളുടെ തിരുനാൾ (Day of Trumpets) ഇപ്പോൾ എങ്ങനെ ആചരിക്കും?
കാഹളങ്ങളുടെ തിരുനാൾ:
വലിയ സാബത്തു ദിവസമായി ആചരിക്കുക.
വീട്ടിൽ Shofar ഉണ്ടെങ്കിൽ അത് ഊതുക.
YouTube-ഇൽ നിന്ന് ഷോഫർ വീഡിയോ പ്ലേ ചെയ്യൂ (Video Link to YouTube).
വിശുദ്ധ സമ്മേളനം കൂടാൻ പറ്റുമെങ്കിൽ കൂടുക.
അല്ലെങ്കിൽ പ്രാർത്ഥിക്കുക, ബൈബിൾ വായിക്കുക/പഠിക്കുക.
യേശുവിന്റെ രണ്ടാം വരവ് ഈ തിരുന്നാളിനാകാനാണ് സാധ്യത:
1 തെസലോനിക്കാ 4 : 16 - "അധികാരപൂര്ണമായ ആജ്ഞാവചനം കേള്ക്കുകയും പ്രധാനദൂതന്റെ ശബ്ദം ഉയരുകയും ദൈവത്തിന്റെ കാഹളധ്വനി മുഴങ്ങുകയും ചെയ്യുമ്പോള്, കര്ത്താവ് സ്വര്ഗത്തില്നിന്ന് ഇറങ്ങിവരുകയും ക്രിസ്തുവില് മരണമടഞ്ഞവര് ആദ്യം ഉയിര്ത്തെഴുന്നേല്ക്കുകയും ചെയ്യും."
(6) പ്രായശ്ചിത്ത ദിനം (Day of Atonement) ഇപ്പോൾ എങ്ങനെ ആചരിക്കും?
(6) പ്രായശ്ചിത്ത ദിനം (Day of Atonement) ഇപ്പോൾ എങ്ങനെ ആചരിക്കും?
പ്രായശ്ചിത്ത ദിനം:
ഉപവസിക്കാൻ ശ്രമിക്കുക. Note: ആരോഗ്യസ്ഥിതി കാരണം ചെയ്യാൻ പറ്റില്ലെങ്കിൽ ചെയ്യണ്ട. പറ്റാവുന്ന രീതിയിൽ പാലിക്കുക.
വലിയ സാബത്തു ദിവസമായി ആചരിക്കുക.
വിശുദ്ധ സമ്മേളനം കൂടാൻ പറ്റുമെങ്കിൽ കൂടുക.
അല്ലെങ്കിൽ പ്രാർത്ഥിക്കുക, ബൈബിൾ വായിക്കുക/പഠിക്കുക.
യഹോവയുടെ മുമ്പിൽ പോയി സ്വകാര്യ പ്രാർത്ഥനയിലൂടെ ചെയ്തിട്ടുള്ള പാപങ്ങൾക്കുവേണ്ടി മാപ്പപേക്ഷിക്കുക.
യെഹോവയ്ക്കു മുമ്പിൽ എളിമപ്പെടുക.
ദൈവം (യേശു) തന്നെ നമ്മുടെ പാപങ്ങൾ ഏറ്റെടുത്തു നമുക്ക് പകരം മരിച്ചെന്നു എന്ന് അനുസ്മരിക്കുക.
(7) കൂടാരത്തിരുന്നാൽ (Feast of Tabernacles) ഇപ്പോൾ എങ്ങനെ ആചരിക്കും?
(7) കൂടാരത്തിരുന്നാൽ (Feast of Tabernacles) ഇപ്പോൾ എങ്ങനെ ആചരിക്കും?
കൂടാരത്തിരുന്നാൽ:
"ഏഴു ദിവസത്തേക്ക് നിങ്ങള് കൂടാരങ്ങളില് വസിക്കണം" (ലേവ്യര് 23:42) എന്നാണ് കല്പന.
Camping, അല്ലെങ്കിൽ വീട്ടിൽ തന്നെ ഒരു കുഞ്ഞു കുടിൽ പണിതു അതിൽ കിടക്കുക, അല്ലെങ്കിൽ നിലത്തു/തറയിൽ കിടക്കുക.
തിരുന്നാളിന്റെ ഒന്നാം ദിവസവും എട്ടാം ദിവസവും വലിയ സാബത്തു ദിവസങ്ങൾ ആയി ആചരിക്കുക.
ആദ്യത്തെ ദിവസവും, എട്ടാം ദിവസവും വിശുദ്ധ സമ്മേളനം കൂടാൻ പറ്റുമെങ്കിൽ കൂടുക.
അല്ലെങ്കിൽ പ്രാർത്ഥിക്കുക, ബൈബിൾ വായിക്കുക.
യേശു തിരിച്ചു വന്നിട്ട് കൂടാരപ്പെരുന്നാൽ ആഘോഷിക്കും എന്ന് നേരത്തെ വായിച്ചില്ലേ? സഖറിയാ 14 വായിക്കുക.
Notes:
പ്രായിശ്ചിത്ത ദിവസം ഒഴികെ ബാക്കി വിശുദ്ധ ദിവസങ്ങൾ യഹോവയുടെ മുമ്പിൽ ആഘോഷിക്കുക (ഭക്ഷണപാനീയങ്ങൾ).
പറ്റാവുന്ന രീതിയിൽ ദൈവത്തിന്റെ ജനം ആഘോഷിക്കുക. ഒരു ചെറിയ ഗ്രൂപ്പുമായി നിങ്ങൾക്ക് അത് ചെയ്യാൻ കഴിയുമെങ്കിൽ, അത് നല്ലതായിരിക്കും.
യഹോവ ദൈവം നിങ്ങളുടെ ഹൃദയവും അനുസരണയും ആണ് നോക്കുന്നത് ഇതിലെല്ലാം.
ഇവിടെ വലിയ സാബത്തു ദിനങ്ങളിൽ ജോലിയിൽ നിന്ന് ഒഴിവെടുക്കാൻ പറ്റുമെങ്കിൽ എടുക്കുക. അല്ലെങ്കിൽ പറ്റാവുന്ന രീതിയിൽ ആചരിക്കുക.
യഹോവയുടെ വിശുദ്ധ തിരുന്നാളുകൾ ആഘോഷിക്കുന്നതിൽ അനുഗ്രഹങ്ങൾ ഉണ്ട്.
ലേവ്യര് 23 ബൈബിൾ അധ്യായം മുഴുവൻ
ലേവ്യര് 23 ബൈബിൾ അധ്യായം മുഴുവൻ
ലേവ്യര് 23 : 1-44
തിരുനാളുകള്
യഹോവ മോശയോട് അരുളിച്ചെയ്തു:
ഇസ്രായേല് ജനത്തോടു പറയുക, വിശുദ്ധ സമ്മേളനങ്ങള് വിളിച്ചുകൂട്ടേണ്ട യഹോവയുടെ തിരുനാളുകള് ഇവയാണ്.
സാബത്ത്
ആറുദിവസം നിങ്ങള് ജോലി ചെയ്യണം; ഏഴാം ദിവസം സമ്പൂര്ണവിശ്രമത്തിനും വിശുദ്ധ സമ്മേളനത്തിനുമുള്ള സാബത്താണ്. അന്നു നിങ്ങള് ഒരു ജോലിയും ചെയ്യരുത്; നിങ്ങളുടെ സകല വാസസ്ഥലങ്ങളിലും യഹോവയുടെ സാബത്താണ്.
നിശ്ചിത കാലത്ത് നിങ്ങള് പ്രഖ്യാപിക്കേണ്ട യഹോവയുടെ തിരുനാളുകള്, വിശുദ്ധ സമ്മേളനങ്ങള് ഇവയാണ്.
പെസഹാ, പുളിപ്പില്ലാത്ത അപ്പത്തിന്റെ തിരുനാള്
ഒന്നാം മാസം പതിന്നാലാം ദിവസം വൈകുന്നേരം യഹോവയുടെ പെസഹായാണ്.
ആ മാസം പതിനഞ്ചാം ദിവസം യഹോവയ്ക്കുള്ള പുളിപ്പില്ലാത്ത അപ്പത്തിന്റെ തിരുനാള്. ഏഴു ദിവസം നിങ്ങള് പുളിപ്പില്ലാത്ത അപ്പം ഭക്ഷിക്കണം.
ഒന്നാം ദിവസം നിങ്ങള്ക്കു വിശുദ്ധ സമ്മേളനത്തിനുള്ളതായിരിക്കണം. അന്നു നിങ്ങള് കഠിനാധ്വാനം ചെയ്യരുത്.
ഏഴു ദിവസവും നിങ്ങള് യഹോവയ്ക്കു ദഹനബലി അര്പ്പിക്കണം. ഏഴാം ദിവസം വിശുദ്ധ സമ്മേളനമുണ്ടായിരിക്കണം. നിങ്ങള് കഠിനാധ്വാനം ചെയ്യരുത്.
ആദ്യഫലങ്ങളുടെ തിരുനാള്
യഹോവ മോശയോട് അരുളിച്ചെയ്തു:
ഇസ്രായേല് ജനത്തോടു പറയുക, ഞാന് നിങ്ങള്ക്കു തരാന്പോകുന്ന ദേശത്ത് എത്തിച്ചേരുകയും അവിടെ നിങ്ങള് വിളവെടുക്കുകയും ചെയ്യുമ്പോള് കൊയ്ത്തിലെ ആദ്യഫലമായ കറ്റ പുരോഹിതന്റെ അടുക്കല് കൊണ്ടുവരണം.
നിങ്ങള് യഹോവയ്ക്കു സ്വീകാര്യരാകാന്വേണ്ടി ആ കറ്റ പുരോഹിതന് അവിടുത്തെ മുന്പില് നീരാജനം ചെയ്യണം; സാബത്തിന്റെ പിറ്റേദിവസം അവന് അതു ചെയ്യട്ടെ.
കറ്റ യഹോവയ്ക്കു നീരാജനമായി അര്പ്പിക്കുന്ന ദിവസം തന്നെ ഒരു വയസ്സുള്ള ഊനമറ്റ ഒരു മുട്ടാടിനെ നിങ്ങള് അവിടുത്തേക്കു ദഹനബലിയായി സമര്പ്പിക്കണം.
അതോടൊപ്പമുള്ള ധാന്യബലി എണ്ണ ചേര്ത്ത പത്തില് രണ്ട് ഏഫാ നേരിയ മാവായിരിക്കണം. അതു സൗരഭ്യമുള്ള ദഹനബലിയായി യഹോവയ്ക്കു അര്പ്പിക്കണം. പാനീയബലിയായി നാലിലൊന്നു ഹിന് വീഞ്ഞും അര്പ്പിക്കണം.
നിങ്ങള് ദൈവത്തിന് ഈ കാഴ്ച സമര്പ്പിക്കുന്ന ദിവസംവരെ അപ്പമോ മലരോ കതിരോ ഭക്ഷിക്കരുത്. നിങ്ങളുടെ സകല വാസസ്ഥലങ്ങളിലും എന്നേക്കും തലമുറതോറുമുള്ള ഒരു നിയമമാണിത്.
ആഴ്ചകളുടെ തിരുനാള്
സാബത്തിന്റെ പിറ്റേദിവസം മുതല്, അതായത്, നീരാജനത്തിനായി കറ്റ കൊണ്ടുവന്ന ദിവസം മുതല് ഏഴു പൂര്ണമായ ആഴ്ച കള് നിങ്ങള് കണക്കാക്കണം.
ഏഴാമത്തെ സാബത്തിന്റെ പിറ്റേ ദിവസം, അതായത് അന്പതാം ദിവസം യഹോവയ്ക്കു പുതിയ ധാന്യങ്ങള്കൊണ്ടു നിങ്ങള് ധാന്യബലി അര്പ്പിക്കണം.
നീരാജനത്തിനായി നിങ്ങളുടെ വസതികളില് നിന്നു പത്തില് രണ്ട് ഏഫാ മാവുകൊണ്ടുണ്ടാക്കിയരണ്ട് അപ്പം കൊണ്ടുവരണം. യഹോവയ്ക്കു ആദ്യഫലമായി സമര്പ്പിക്കുന്ന അതു നേരിയ മാവുകൊണ്ടുണ്ടാക്കിയതും പുളിപ്പിച്ചതുമായിരിക്കണം.
അപ്പത്തോടുകൂടെ ഒരു വയസ്സുള്ള ഊനമറ്റ ഏഴു ചെമ്മരിയാട്ടിന് കുട്ടികളെയും ഒരു കാളക്കുട്ടിയെയും രണ്ടു മുട്ടാടുകളെയും യഹോവയ്ക്കു ദഹനബലിയായി അര്പ്പിക്കണം. ധാന്യബലിയോടും പാനീയബലിയോടും കൂടിയ അത് യഹോവയ്ക്കു സൗരഭ്യദായകമായ ദഹനബലിയായിരിക്കും.
തുടര്ന്ന് ഒരു കോലാട്ടിന്മുട്ടനെ പാപപരിഹാരബലിക്കായും ഒരു വയസ്സുള്ള രണ്ട് ആട്ടിന്കുട്ടികളെ സമാധാനബലിക്കായും കാഴ്ച വയ്ക്കണം.
പുരോഹിതന് അത് ആദ്യഫലങ്ങളുടെ അപ്പത്തോടും രണ്ട് ആട്ടിന്കുട്ടികളോടും കൂടെ നീരാജനമായി യഹോവയുടെ സന്നിധിയില് കാഴ്ചവയ്ക്കണം. അവ യഹോവയ്ക്കു വിശുദ്ധമായിരിക്കും; അവ പുരോഹിതനുള്ളതുമാണ്.
അന്നുതന്നെ നിങ്ങള് ഒരു വിശുദ്ധസമ്മേളനം പ്രഖ്യാപിക്കണം. അന്നു കഠിനാധ്വാനം ചെയ്യരുത്. നിങ്ങളുടെ സകല വാസസ്ഥലങ്ങളിലും തലമുറതോറും എന്നേക്കുമുള്ള ഒരു നിയമമാണിത്.
നിങ്ങള് വയലില് കൊയ്യുമ്പോള് അരികു തീര്ത്തു കൊയ്യരുത്. വിളവെടുപ്പിനുശേഷം കാലാ പെറുക്കരുത്. അതു പാവങ്ങള്ക്കും പരദേശികള്ക്കുമായി വിട്ടുകൊടുക്കണം. ഞാനാണ് നിങ്ങളുടെ ദൈവമായ യഹോവ.
കാഹളങ്ങളുടെ തിരുനാൾ
യഹോവ മോശയോട് അരുളിച്ചെയ്തു:
ഇസ്രായേല് ജനത്തോടു പറയുക, ഏഴാംമാസം ആദ്യദിവസം നിങ്ങള്ക്കു സാബത്തായിരിക്കണം; കാഹളം മുഴക്കി പ്രഖ്യാപിക്കേണ്ട അനുസ്മരണദിനവും വിശുദ്ധസമ്മേളനദിനവും.
അന്നു നിങ്ങള് കഠിനമായ ജോലിയൊന്നും ചെയ്യരുത്; യഹോവയ്ക്കു ഒരു ദഹനബലിയര്പ്പിക്കുകയും വേണം.
പാപപരിഹാരദിനം
യഹോവ മോശയോട് അരുളിച്ചെയ്തു:
ഏഴാം മാസം പത്താംദിവസം പാപപരിഹാര ദിനമായിരിക്കണം. അതു വിശുദ്ധ സമ്മേളനത്തിനുള്ള ദിവസവുമാണ്. അന്ന് ഉപവസിക്കുകയും യഹോവയ്ക്കു ദഹന ബലി അര്പ്പിക്കുകയും വേണം.
ആ ദിവസം നിങ്ങള് ഒരു ജോലിയും ചെയ്യരുത്. നിങ്ങളുടെ ദൈവമായ യഹോവയുടെ മുന്പില് പാപത്തിനു പരിഹാരം ചെയ്യുന്ന ദിനമാണ് അത്.
അന്ന് ഉപവസിക്കാത്തവന് ജനത്തില്നിന്നു വിച്ഛേദിക്കപ്പെടണം.
അന്ന് എന്തെങ്കിലും ജോലി ചെയ്യുന്നവനെ ഞാന് ജനത്തില്നിന്ന് ഉന്മൂലനംചെയ്യും.
നിങ്ങള് ഒരു ജോലിയും ചെയ്യരുത്. നിങ്ങളുടെ വാസസ്ഥലങ്ങളില് തലമുറതോറും എന്നേക്കുമുള്ള നിയമമാണിത്.
ആ ദിവസം നിങ്ങള്ക്കു പൂര്ണവിശ്രമത്തിന്റെ സാബത്തായിരിക്കണം. അന്നു നിങ്ങള് ഉപവസിക്കണം. മാസത്തിന്റെ ഒന്പതാം ദിവസം വൈകുന്നേരം മുതല് പിറ്റേന്ന് വൈകുന്നേരംവരെ സാബത്ത് ആചരിക്കണം.
കൂടാരത്തിരുനാള്
യഹോവ മോശയോട് അരുളിച്ചെയ്തു:
ഇസ്രായേല് ജനത്തോടു പറയുക, ഏഴാംമാസം പതിനഞ്ചാം ദിവസം മുതല് ഏഴു ദിവസത്തേക്ക് യഹോവയുടെ കൂടാരത്തിരുനാളാണ്.
ആദ്യ ദിവസം ഒരു വിശുദ്ധസമ്മേളനം കൂടണം. അന്നു നിങ്ങള് കഠിനാധ്വാനം ചെയ്യരുത്.
ഏഴുദിവസവും നിങ്ങള് യഹോവയ്ക്കു ദഹനബലി അര്പ്പിക്കണം. എട്ടാം ദിവസം വിശുദ്ധസമ്മേളനം ഉണ്ടായിരിക്കണം; യഹോവയ്ക്കു ദഹനബലിയും അര്പ്പിക്കണം. ഇത് ആഘോഷത്തോടുകൂടിയ സമ്മേളനമാണ്. അന്നു നിങ്ങള് കഠിനാധ്വാനം ചെയ്യരുത്.
യഹോവയ്ക്കു ദഹനബലിയും ധാന്യബലിയും പാനീയബലിയും മറ്റു ബലികളും അര്പ്പിക്കേണ്ടതും വിശുദ്ധസമ്മേളനമായി നിങ്ങള് പ്രഖ്യാപിക്കേണ്ടതും ആയ യഹോവയുടെ നിര്ദിഷ്ട തിരുനാളുകളാണ് ഇവ.
യഹോവയുടെ സാബത്തിനും യഹോവയ്ക്കു നല്കുന്ന വഴിപാടുകള്ക്കും കാഴ്ചകള്ക്കും സ്വാഭീഷ്ടബലികള്ക്കും പുറമേയാണ് ഇവ.
ഏഴാം മാസം പതിനഞ്ചാം ദിവസം വയലിലെ വിളവുശേഖരിച്ചതിനുശേഷം ഏഴുദിവസം നിങ്ങള് യഹോവയ്ക്കു ഒരു തിരുനാള് ആചരിക്കണം. ആദ്യ ദിവസവും എട്ടാം ദിവസവും സാബത്തായിരിക്കണം.
ഒന്നാം ദിവസം ഭംഗിയുള്ള പഴങ്ങളും ഈന്തപ്പനയോലയും ഇലതൂര്ന്ന ചില്ലകളും ആറ്റരളിക്കൊമ്പുകളും എടുക്കണം. നിങ്ങളുടെ ദൈവമായ യഹോവയുടെ സന്നിധിയില് ഏഴു ദിവസം സന്തോഷിച്ചാഹ്ളാദിക്കണം.
വര്ഷംതോറും ഏഴു ദിവസം യഹോവയുടെ തിരുനാളായി ആഘോഷിക്കണം. നിങ്ങളുടെ സന്തതികള്ക്കുള്ള ശാശ്വത നിയമമാണിത്. ഏഴാം മാസത്തില് ഈ തിരുനാള് നിങ്ങള് ആഘോഷിക്കണം.
ഏഴു ദിവസത്തേക്ക് നിങ്ങള് കൂടാരങ്ങളില് വസിക്കണം.
ഈജിപ്തു ദേശത്തുനിന്നു ഞാന് ഇസ്രായേല് ജനത്തെ കൊണ്ടുവന്നപ്പോള് അവര് കൂടാരങ്ങളിലാണു വസിച്ചത് എന്നു നിങ്ങളുടെ സന്തതിപരമ്പര അറിയാന് ഇസ്രായേല്ക്കാരെല്ലാവരും കൂടാരങ്ങളില് വസിക്കണം. ഞാനാണ് നിങ്ങളുടെ ദൈവമായ യഹോവ.
ഇപ്രകാരം മോശ ഇസ്രായേല് ജനത്തോട് യഹോവയുടെ നിര്ദിഷ്ട തിരുനാളുകള് പ്രഖ്യാപിച്ചു.
യേശു മരിച്ചത് ഒരു വെള്ളിയാഴ്ച അല്ല! Sign of Jonah Bible Study:
ഈ വീഡിയോയിൽ ചർച്ചചെയ്യുന്നു:
✅ യോനായുടെ അടയാളം
✅ യഹോവയുടെ കലണ്ടർ
✅ ബൈബിളിൽ ദിവസങ്ങൾ
✅ ബൈബിളിൽ മാസങ്ങൾ
✅ ബൈബിളിൽ വർഷങ്ങൾ
Google Sites
Report abuse